Salmos 43:1-5

  • Chpojvan kʼuchaʼal Jchapanvanej li Diose

    • «Akʼo tal li sakil osil avuʼune xchiʼuk li kʼusi melel avuʼune» (3)

    • «¿Kʼu yuʼun ti mu xa jnaʼ kʼusi ta jpase?» (5)

    • «Ta jmala akʼo skoltaun li Diose» (5)

43  Dios kuʼun, chapanun,+pakbun jkʼoplal+ ta stojolal li jun mukʼta lum ti muʼyuk tukʼ yakʼoj sbae. Pojun lokʼel ta skʼob li jun vinik ti muʼyuk tukʼ kʼusi tspase xchiʼuk ti jloʼlavaneje.   Yuʼun voʼot li Diosot kuʼune, li jtsatsal nakʼobbailote.+ ¿Kʼu yuʼun ti laj aviktaun komele? ¿Kʼu yuʼun ti chkat koʼonton ta skoj ti chakʼ jvokol li kajkontrae?+   Akʼo tal li sakil osil avuʼune xchiʼuk li kʼusi melel avuʼune.+ Jaʼuk akʼo sbeiltasun;+akʼo sbeiltasun batel li ta chʼul vits avuʼune xchiʼuk li ta axibalna avuʼun ti jun yutsile.+   Vaʼun, chital li ta skajleb amotone, Dios,+ti voʼot li Diosot ti ximuyubaj tajek avuʼune. Jech xtok, ta jkʼupil kʼoptaot ta arpa,+ Dios kuʼun, voʼot ti Jdiosote.   ¿Kʼu yuʼun ti mu xa jnaʼ kʼusi ta jpase? ¿Kʼu yuʼun ti oy jvokol ta yut koʼontone? Ta jmala akʼo skoltaun li Diose,+yuʼun ta to jkʼupil kʼopta kʼuchaʼal Mukʼta Jkoltavanej kuʼun xchiʼuk Dios kuʼun.+

Tsʼibetik ta yok vun