Salmos 4:1-8

  • La spas orasion sventa chakʼ ta ilel ti spatoj yoʼonton ta stojolal Diose

    • «Mi la-ilinike, mu me xasaʼ amulik» (4)

    • «Jun koʼonton chivay» (8)

Sventa bankilal jtijson; laj yichʼ tijel son ta stijobil ti oy yakʼiltake. Skʼejimol David. 4  Tukʼil Dios kuʼun,+ takʼbun kʼalal ta jtaot ta kʼoponele. Jambun jbe* sventa xijatav lokʼel li ta jvokole. Akʼo ta ilel slekil avoʼonton ta jtojolal xchiʼuk chikintao li j-orasione.   Xnichʼnab krixchanoetik, ¿kʼu to sjalil ti jaʼ noʼox chakʼexlaltasikun ti muʼyuk chavichʼikun ta mukʼe? ¿Kʼu to sjalil akʼanojik li kʼusi chʼabal sbalile xchiʼuk ti chasaʼik li kʼusi mu meleluke? (Sela).   Naʼik me ti toj lek chil Jeova li buchʼu tukʼ chakʼ sba ta stojolale;*chaʼi Jeova kʼalal xivokolet ta stojolale.   Mi la-ilinike, mu me xasaʼ amulik.+ Alik ta avoʼontonik li kʼusi chakʼan chavalike, alik ta sba atemik,* vaʼun tsʼijlanik. (Sela).   Kʼusiuk matanal chavakʼbeik li Diose ta slekiluk me avoʼonton xavakʼbeikxchiʼuk pato avoʼontonik ta stojolal li Jeovae.+   Oy ep buchʼutik xi chalike: «¿Buchʼu chakʼ kiltik li kʼusi leke?». Akʼo xojobajuk ta jtojolalkutik li xojobal asate, Kajval Jeova.+   Mas to xmuyubaj avuʼun li koʼontone,jaʼ xkom to ta be xmuyubajik li buchʼutik ep tstsobbeik sat kʼusitik tstsʼunike xchiʼuk li buchʼutik oy achʼ vino yuʼunike.   Ta jpuchʼan jba xchiʼuk jun koʼonton chivay,+yuʼun voʼot noʼox chavakʼ ti junuk koʼontone, Kajval Jeova.+

Tsʼibetik ta yok vun

Literal «Jamaluk xajam kavil».
O «chojtikin lek Jeova li buchʼu tukʼ yakʼoj sba ta stojolale; parte chakʼ Jeova li buchʼu tukʼ yakʼoj sba sventa jaʼ chkʼot ta yuʼune».
O «avayebik».