Salmos 36:1-12

  • Toj echʼ xa noʼox ep sbalil li tukʼil kʼanelal yuʼun Diose

    • Muʼyuk chiʼta Dios li buchʼu toj chopole (1)

    • Jaʼ snioʼal kuxlejal li Diose (9)

    • «Chkilkutik sakil osil ta skoj li sakil osil avuʼune» (9)

Sventa bankilal jtijson. Yuʼun David ti jaʼ yajtunel Jeovae. 36  Chloʼlabat yoʼonton yuʼun mulil li buchʼu toj chopole;muʼyuk bu chiʼta* li Diose.+   Toj mukʼ skʼoplal chaʼi sba stuk,jech oxal muʼyuk chakʼ venta ti oy spaltaile* xchiʼuk muʼyuk chopol chil.+   Li kʼusi chlokʼ ta yee chyayijesvan xchiʼuk chloʼlavan;muʼyuk chakʼ ta ilel spʼijil sventa spas li kʼusi leke.   Akʼo mi te puchʼul ta stem,* jaʼ noʼox tsnop tspas kʼusi chopol ti chakʼ vokolile. Muʼyuk bu lek li be stamoj batele;muʼyuk bu spʼajoj li kʼusi chopole.   Kajval Jeova, kʼalal to ta vinajel chkʼot li tukʼil kʼanelal avuʼune;+ti tukʼ chavakʼ abae chkʼot kʼalal to ta tok.   Xkoʼolaj kʼuchaʼal tayal vitsetik* li atukʼilale;+li chapanel avuʼune xkoʼolaj kʼuchaʼal natil voʼ+ ti mu albajuk sjamleje. Kajval Jeova, kuxul avuʼun* li krixchanoe xchiʼuk li chonbolome.+   ¡Toj echʼ xa noʼox ep sbalil li tukʼil kʼanelal avuʼune, Dios kuʼun!+Ta yolon axikʼ tsaʼ snakʼobbailik li xnichʼnab krixchanoetike.+   Chveʼik xchiʼuk noj chkom xchʼutik ta skoj ti oy ep veʼlil* li ta anae+xchiʼuk chuchʼbeik yaʼlel li yukʼumal slekil avoʼontone.+   Te oy ta atojolal li snioʼal kuxlejale;+chkilkutik sakil osil ta skoj li sakil osil avuʼune.+ 10  Jechuk-o me xavakʼ ta ilel tukʼil kʼanelal avuʼun ta stojolal li buchʼutik xojtikinikote+xchiʼuk jechuk-o me xavakʼ ta ilel atukʼilal ta stojolal li buchʼutik tukʼ yoʼontonike.+ 11  Mu me xavakʼ ti xpechʼilanun ta tekʼel li jtoybae o ti ta skʼob tsnamajesun batel li buchʼu toj chopole. 12  Yalemik ta lum li jpaschoplejaletike;jipbilik ta lum xchiʼuk mu xa xtotsik.+

Tsʼibetik ta yok vun

Kʼelo Glosario, xiʼtael Dios.
O «xchopolile».
O «svayeb».
Literal «Xkoʼolaj kʼuchaʼal vitsetik yuʼun Dios».
O «chakolta».
Literal «xepuʼ».