Salmos 30:1-12

  • Kʼataj ta muyubajel li at-oʼontone

    • Li slekil yoʼonton Diose te oy-o ti kʼu sjalil kuxulutike (5)

Kʼejimol kʼalal laj yichʼ akʼel ta skʼob Dios li nae. Skʼejimol David. 30  Ta jtoybot akʼoplal, Kajval Jeova, yuʼun atoyojun* likel;muʼyuk laj avakʼ muyubajuk li kajkontratak ta skoj li jvokoltake.+   Kajval Jeova, Dios kuʼun, xi-avet la jkʼanbot akʼo xakoltaun, vaʼun la apoxtaun.+   Kajval Jeova, la atotsun muyel li ta Mukinale.*+ Kuxulun-o avuʼun, la akoltaun sventa mu xi-och yalel ta chʼen.*+   Kʼupil kʼoptaik ta kʼejimoletik* li Jeovae, voʼoxuk ti tukʼ avakʼoj abaik ta stojolale,+kʼupil kʼoptabeik li xchʼul bie;+   yuʼun jlikel noʼox oy skʼakʼal yoʼonton ta jtojolaltik,+pe li slekil yoʼontone te oy-o ti kʼu sjalil kuxulutike.+ Xuʼ van xlik okʼkutik li ta mal kʼakʼale, pe xij-avet noʼox ta muyubajel li ta sobe.+   Xi laj kal kʼalal muʼyuk toʼox kʼusi ta jvul-o koʼontone: «Muʼyuk buchʼu xuʼ svuyilanun».*   Kajval Jeova, kʼalal lek toʼox chavilune,* tsots toʼox laj kaʼi jba avuʼun kʼuchaʼal vits.+ Pe lixiʼ ta jyalel kʼalal la anakʼ* asate.+   Te xi-avet-o ta atojolal, Kajval Jeova;+xchiʼuk te xivokolet-o ta jkʼan akʼo xakoltaun, Jeova.   ¿Kʼusi sbalil mi lichame,* mi liyal batel ta chʼene?*+ ¿Mi tskʼupil kʼoptaot li pukuke?*+ ¿Mi chalbe van skʼoplal ti tukʼ chavakʼ abae?+ 10  Kajval Jeova, chikintao xchiʼuk akʼo ta ilel slekil avoʼonton ta jtojolal.+ Kʼotan ta jkoltavanej kuʼun,+ Kajval Jeova. 11  Laj xa akʼatajesbun ta akʼot li yatel koʼontone;laj xa alokʼbun li chʼixal kʼuʼile,* vaʼun jaʼ xa laj avakʼbun jkʼuʼin li muyubajele 12  sventa xuʼ jkʼupil kʼoptaot ta kʼejimol xchiʼuk ti mu teuk tsʼijil xikome. Kajval Jeova, Dios kuʼun, ta jkʼupil kʼoptaot sbatel osil.

Tsʼibetik ta yok vun

O «amuyesojun».
O «Seole», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «mukinal».
O «Tijbeik sonetik».
O «Muʼyuk buchʼu xuʼ xitamlajet yuʼun».
O «kʼalal oy toʼox slekil avoʼonton ta jtojolale».
O «amuk»
Literal «li jchʼichʼele».
O «mukinale».
O «lume».
Kʼelo Glosario, chʼixal kʼuʼil.