Salmos 28:1-9

  • Chchikintabat s-orasion li jtsʼibajom yuʼun salmoe

    • Jaʼ kʼotem ta jtsatsal li Jeovae xchiʼuk ta j-eskudo (7)

Salmo yuʼun David. 28  Xivokolet-o ta atojolal, Kajval Jeova, voʼot ti kʼotemot ta Mukʼta Ton kuʼune;+mu achikinuk noʼox xavaʼi li kʼusi chkale.* Jech chibat kʼuchaʼal li buchʼutik chyalik batel ta chʼen*+mi te noʼox tsʼijil lakom ta jtojolale.   Chikintao kʼalal xivokolet ta jkʼan akʼo xakoltaune,chikintao kʼalal ta jtoy batel jkʼob li ta yutil to tajek ti bu chʼul avuʼune.+   Mu koʼoluk xajochun batel xchiʼuk li buchʼutik toj chopolike, ti tspasik li kʼusi chakʼ vokolile,+ti jun xa yoʼonton tskʼopon xchiʼilik yilele, pe ti te oy ta yoʼontonik li kʼusi toj chopole.+   Tojbo sutel ti kʼu yelan la spasike,+ti kʼu yelan toj chopol nopem xaʼiik spasele. Tojbo sutel li yabtel skʼobike,jechuk xatojbe sutel kʼuchaʼal la spasike.+   Yuʼun muʼyuk tstsakik ta venta li kʼusitik tspas Jeovae+mi jaʼuk li yabteltak skʼobe.+ Ta sjines ta j-echʼel xchiʼuk muʼyuk xa chchaʼvaʼan.   Akʼo yichʼ kʼupil kʼoptael li Jeovae,yuʼun laj xa yaʼi ti xivokolet ta jkʼan koltaele.   Jaʼ kʼotem ta jtsatsal li Jeovae+ xchiʼuk jaʼ kʼotem ta j-eskudo;*+jpatoj koʼonton ta stojolal.+ La skoltaun, vaʼun xmuyubaj li koʼontone,jech oxal ta jkʼupil kʼopta li ta jkʼejimole.   Li Jeovae jaʼ kʼotem ta stsatsal li steklumale,jaʼ tsatsal pojobbail, ti tspoj li buchʼu tʼujbil yuʼune.+   Koltao li ateklumale xchiʼuk akʼbo bendision li buchʼutik jaʼ avuʼune.+ Chabio kʼuchaʼal chchabivan jun jchabichij xchiʼuk teuk-o xapet sbatel osil.+

Tsʼibetik ta yok vun

O «chikintao li kʼusi chkale».
O «mukinal».
O «jmakobbail».