Salmos 26:1-12

  • Tukʼ-o koʼonton kakʼoj jba

    • «Chajun ta kʼelel, Kajval Jeova» (2)

    • Muʼyuk ta jchiʼin li buchʼutik chopole (4, 5)

    • Ta joyobta li skajleb smoton Diose (6)

Salmo yuʼun David. 26  Chapanun, Kajval Jeova, yuʼun tukʼ-o koʼonton kakʼoj jba;+muʼyuk xichibet, jpatoj koʼonton ta atojolal, Jeova.+   Kajval Jeova, chajun ta kʼelel xchiʼuk akʼun ta preva;lekubtaso li koʼontone xchiʼuk li kʼusi ta jnop ta yutil to jnopbene.*+   Yuʼun skotol ora ta jnopbe skʼoplal li tukʼil kʼanelal avuʼune xchiʼuk jaʼ jbeinoj-o li kʼusi melel avuʼune.+   Muʼyuk ta jchiʼin* li jloʼlavanej krixchanoetike+xchiʼuk muʼyuk ta jchiʼin li buchʼu mu xakʼ ta ilel kʼu yelanik ta melele.*   Batsʼi mu jkʼan jchiʼin li buchʼu muʼyuk xkʼuxul yoʼontone+xchiʼuk mu jkʼan jchiʼin* li buchʼu toj chopolike.+   Ta jpok jkʼob sventa chkakʼ ta ilel ti muʼyuk jmulexchiʼuk ta joyobta li skajleb amotone, Kajval Jeova,   sventa xichʼ aʼiel lek ti kʼu yelan ta jtoj ta vokole+xchiʼuk ti xkal batel li kʼusitik labalik sba apasoje.   Jeova, jkʼanoj li na bu nakalote,+jaʼ li bu oy amukʼulale.+   Mu koʼoluk xamesun batel xchiʼuk li jpasmuliletike,+mu teuk koʼol xalajesun xchiʼuk li jsaʼkʼopetike.* 10  Yuʼun jaʼ yabtelinoj skʼobik li talelal ti toj kʼexlal sbaexchiʼuk stsakoj takʼin* li sbatsʼikʼobike. 11  Yan li voʼone tukʼ-o koʼonton kakʼoj jba. Pojun lokʼel* xchiʼuk akʼo ta ilel slekil avoʼonton ta jtojolal. 12  Ta stenlejaltik vaʼalun;+ta jkʼupil kʼopta Jeova li ta mukʼta tsobobbaile.*+

Tsʼibetik ta yok vun

Literal «li jrinyone».
Literal «Muʼyuk ta jchiʼin ta chotlej».
O «muʼyuk ta jkap jba xchiʼuk li jloʼlavanejetike».
Literal «jchiʼin ta chotlej».
O «jmalchʼichʼ krixchanoetike».
O «michʼob kʼabal».
Literal «Manun lokʼel».
O «ti bu tsobol ep krixchanoetike».