Salmos 25:1-22

  • La spas orasion sventa tskʼan beiltasel xchiʼuk perton

    • «Akʼbun kil li abetake» (4)

    • «Lek tajek xil sbaik xchiʼuk Jeova» (14)

    • «Chʼaybun skotol li jmule» (18)

Salmo yuʼun David. א [alef] 25  Kajval Jeova, voʼot ta jtaot ta kʼoponel. ב [bet]   Dios kuʼun, jpatoj koʼonton ta atojolal;+mu xavakʼ ti akʼo xkichʼ kʼexlaltasele.+ Mu xavakʼ ti xmuyubajikuk li kajkontratak ta skoj li jvokoltake.+ ג [guimel]   Ta melel, mi junuk buchʼu chkom ta kʼexlal li buchʼu spatoj yoʼonton ta atojolale,+pe chichʼik kʼexlaltasel li buchʼutik chvalopatinvanike.+ ד [dalet]   Akʼbun kil li abetake, Kajval Jeova;+chanubtasun sventa te xixanav li ta abee.+ ה [e]   Akʼbun kil xchiʼuk teuk xixanav li ta tukʼil be avuʼune,+yuʼun voʼot li jpojvanej Diosot kuʼune. ו [waw] Jpatoj koʼonton ta atojolal skotol kʼakʼal. ז [sayin]   Kajval Jeova, teuk me ta ajol li xkʼuxul avoʼontone xchiʼuk li tukʼil kʼanelal avuʼune,+ti jech onoʼox avakʼoj tal ta ilele.*+ ח [jet]   Mu xavules ta ajol li jmultak la jpas tal ta jkeremale xchiʼuk li jpaltailtake.* Teukun me ta ajol ta skoj li tukʼil kʼanelal avuʼune,+ta skoj li slekil avoʼontone, Kajval Jeova.+ ט [tet]   Lek yoʼonton xchiʼuk tukʼ li Jeovae.+ Jaʼ yuʼun, chakʼbe yil bu sbelel kuxlejal li jpasmuliletike.+ י [yod]   Jaʼ tsbeiltas batel ta spasel kʼusi lek li manxoetike+xchiʼuk chakʼbe yil manxoetik li be yuʼune.+ כ [kaf] 10  Skotol li sbetak Jeovae jaʼ tukʼil kʼanelal xchiʼuk tukʼilalta stojolal li buchʼutik tstsakik ta venta li trato yuʼune+ xchiʼuk li smantaltake.+ ל [lamed] 11  Ta skoj li abie, Kajval Jeova,+pasbun perton li jmule akʼo mi toj tsots. מ [mem] 12  ¿Buchʼu li vinik ti xiʼtaoj* Jeovae?+ Jaʼ chchanubtasat yuʼun Dios ti bu beal skʼan stam batele.+ נ [nun] 13  Jaʼ tskʼupin li kʼusi leke+xchiʼuk jaʼ chuʼuninik balumil li snitilulale.+ ס [samek] 14  Jaʼ noʼox xuʼ lek tajek xil sbaik xchiʼuk Jeova li buchʼutik xiʼtaojike+xchiʼuk ch-akʼbat snaʼik li stratoe.+ ע [ayin] 15  Te-o jsat ta stojolal li Jeovae,+yuʼun jaʼ tslokʼesbun kakan li ta petsʼe.+ פ [pe] 16  Akʼo tal asat ta jtojolal xchiʼuk akʼo ta ilel slekil avoʼonton ta jtojolal,yuʼun jtuk oyun xchiʼuk chʼabal buchʼu spakbun jkʼoplal. צ [sade] 17  Epajem tajek li kʼusi ta jvul-o koʼontone;+koltaun lokʼel li ta jvokole. ר [rex] 18  Kʼelavil li kʼusi ta jvul-o koʼontone xchiʼuk li jvokole+xchiʼuk chʼaybun skotol li jmule.+ 19  Kʼelavil kʼu to yepal li kajkontratakexchiʼuk ti kʼu to yepal spʼajojikune. ש [xin] 20  Chabibun li jkuxlejale xchiʼuk koltaun.+ Mu me xavakʼun ta kʼexlal, yuʼun te jsaʼoj jpojobbail ta atojolal. ת [taw] 21  Jaʼuk me akʼo xchabiun li stukʼil koʼontone xchiʼuk li jtukʼilale,+yuʼun te jtaoj spatobil koʼonton ta atojolal.+ 22  Dios kuʼun, koltao lokʼel* ta skotol svokol li Israele.

Tsʼibetik ta yok vun

O «ti voʼne xa onoʼox jech apasoj tale».
O «li jchopoliltake».
Kʼelo Glosario, xiʼtael Dios.
Literal «mano lokʼel».