Salmos 24:1-10

  • Ch-och ta tiʼ na li mukʼul Ajvalile

    • «Jaʼ yuʼun balumil li Jeovae» (1)

Skʼejimol David. 24  Jaʼ yuʼun balumil li Jeovae xchiʼuk skotol li kʼusitik oye,+jaʼ yuʼun xtok li balumil ti bu lek xchʼi kʼusitike xchiʼuk li buchʼutik te nakalik ta balumile.   Yuʼun lek snakanoj ta ba nab+xchiʼuk lek tsots snakanoj ta ba ukʼum.   ¿Buchʼu xuʼ xmuy batel li ta svits Jeovae+xchiʼuk buchʼu xuʼ te svaʼan sba ti bu chʼul yuʼune?   Jaʼ li buchʼu muʼyuk kʼusi chopol spasoje xchiʼuk ti muʼyuk xchopolil li yoʼontone,+ti mu jecheʼuk noʼox tstʼab ta alel li jbiexchiʼuk ti mu jecheʼuk chloʼlavan kʼalal chakʼ yee.+   Ch-akʼbat bendision yuʼun Jeova+xchiʼuk lek ch-ilat yuʼun Dios ta skoj ti tukʼ yakʼoj sbae, li Dios ti jaʼ jkoltavaneje.+   Taje jaʼ li jkʼol kuxlejal ti tsaʼik Diose,jaʼ li buchʼutik tskʼel yaʼiik asate, Dios yuʼun Jakob. (Sela).   ¡Jamo aba atukik, tiʼ naetik!+¡Jamanik,* mol ochebaletik,sventa x-och li mukʼul Ajvalile!+   ¿Buchʼu jaʼ li mukʼul Ajvalil taje? Jaʼ li Jeovae, ti tsots xchiʼuk ti oy sjuʼele,+jaʼ li Jeova ti oy sjuʼel ta paskʼope.+   ¡Jamo aba atukik, tiʼ naetik!+¡Jamanik, mol ochebaletik,sventa x-och li mukʼul Ajvalile! 10  ¿Buchʼu jaʼ li mukʼul Ajvalil taje? Jaʼ li Jeova ti bankilal yuʼun soltaroetike,* jaʼ li mukʼul Ajvalile.+ (Sela).

Tsʼibetik ta yok vun

O «Totsanik».
Kʼelo Glosario, Jeova ti bankilal yuʼun soltaroetike.