Salmos 21:1-13

  • Tsta bendision li ajvalil ti tspat yoʼonton ta stojolal Jeovae

    • Akʼbat nat xkuxlejal li ajvalile (4)

    • Chlaj ta tsalel li yajkontratak Diose (8-12)

Sventa bankilal jtijson. Skʼejimol David. 21  Kajval Jeova, ta skoj ajuʼel xmuyubaj li ajvalile;+¡toj echʼ xa noʼox xmuyubaj ta skoj li kʼusitik chapas sventa chakoltavane!+   Avakʼojbe li kʼusi tskʼan yoʼontone+xchiʼuk muʼyuk ajalanojbe li kʼusi lokʼem ta ye tskʼane. (Sela).   Yuʼun laj avakʼbe bendision xchiʼuk laj avakʼbe li kʼusitik leke;axojojbe ta sjol jun korona ti pasbil ta lekil oroe.+   La skʼanbot xkuxlejal, vaʼun laj avakʼbe,+nat xkuxlejal* laj avakʼbe, laj avakʼbe kuxlejal sbatel osil.   Li kʼusitik chapas sventa chakoltae jaʼ chichʼ-o albel smukʼulal.+ Laj avakʼ ti ichʼbiluk ta mukʼe xchiʼuk laj avakʼbe smukʼulal.   Chavakʼbe-o bendision sbatel osil;+xmuyubaj tajek kʼalal chil ti te achiʼuke.*+   Yuʼun spatoj yoʼonton ta stojolal Jeova li ajvalile;+muʼyuk bu chichʼ vuyilanel* ta skoj ti oy tukʼil kʼanelal yuʼun li Buchʼu toj toyol oye.+   Chata ta tsakel ta akʼob skotol li avajkontratake;chata ta tsakel ta abatsʼikʼob li buchʼutik spʼajojote.   Mi la sta yorail chavakʼ ta ilel asat ta stojolalike, jaʼ jech chapasbe kʼuchaʼal tspas jun orno ti oy skʼakʼale. Ta skʼakʼal yoʼonton Jeova tslajesatik xchiʼuk chkʼakʼik ta kʼokʼ.+ 10  Chalajesbe skʼoplal ta balumil li snitilulalikexchiʼuk chalajesbe skʼoplal snitilulalik ta stojolal li xnichʼnab krixchanoetike. 11  Yuʼun snopoj ox tspasik kʼusi chopol ta atojolal;+oy kʼusitik chopol snopoj tspasik ti muʼyuk chkʼot ta pasele.+ 12  Tskʼej sbaik batel avuʼun,+avichʼojbe batel lek stukʼil ta a-arko.* 13  Totsan tal, Kajval Jeova, akʼo ta ilel li avipale. Ta jkʼupil kʼoptaotkutik ta kʼejimoletik* ta skoj li ajuʼele.

Tsʼibetik ta yok vun

Literal «nat skʼakʼalil».
Literal «chil asate».
O «muʼyuk bu xtamlajet».
Literal «yakʼiltak a-arko».
O «Ta jtijbotkutik sonetik».