Salmos 20:1-9

  • Chichʼ koltael li tʼujbil ajvalil yuʼun Diose

    • Jlome tspat yoʼontonik ta stojolal kareta xchiʼuk ta kaʼ, pe li voʼotike ta jkʼanbetik vokol ta sbi li Jeovae (7)

Sventa bankilal jtijson. Skʼejimol David. 20  Akʼo stakʼbot Jeova kʼalal jaʼo yorail oy avokole. Jaʼ akʼo xchabiot li sbi Sdios Jakobe.+   Akʼo te to skoltaot tal ti bu chʼule+xchiʼuk te to akʼo yikot tal li ta Sione.+   Akʼo teuk ta sjol skotol li kʼusi avakʼojbe ta smotone,akʼo xchʼam ta slekil yoʼonton* li chikʼbil matanal chavakʼbee. (Sela).   Akʼo yakʼbot li kʼusi tskʼan avoʼontone+xchiʼuk akʼo lekuk xkʼot ta pasel yuʼun skotol li kʼusi anopoj chapase.*   Chi-avankutik ta muyubajel ta skoj li kʼusitik apasoj sventa xakoltavane;+ta jtoybekutik muyel senyail sventa jmukʼibtasbekutik skʼoplal li sbi Jdioskutike.+ Akʼo yakʼbot Jeova skotol li kʼusi xavokolet chakʼane.   Avie jnaʼoj xa ta melel ti tskolta buchʼu stʼujoj li Jeovae.+ Te to tstakʼbe tal ta xchʼul vinajel,ta sjuʼel sbatsʼikʼob chkoltavan.*+   Jlome tspat yoʼontonik ta stojolal kareta xchiʼuk li yane ta stojolal kaʼetik,+pe li voʼotike ta jkʼanbetik vokol ta sbi li Jeova ti jaʼ Dios kuʼuntike.+   Balchʼujemik xchiʼuk yalemik ta lum,yan li voʼotike totsemutik tal xchiʼuk la jchaʼta kaviltik.+   ¡Kajval Jeova, koltao li ajvalile!+ Jaʼ tstakʼbutik kʼalal ta jkʼantik koltaele.+

Tsʼibetik ta yok vun

Literal «xkoʼolaj kʼuchaʼal xepuʼuk xil».
O «li tojobtasel avuʼune».
O «tspas kanal».