Salmos 17:1-15
S-orasion David.
17 Chikintabun, Kajval Jeova, yuʼun xivokolet ta jkʼanbot ti tukʼuk xkichʼ chapanele;tsʼet chikintao ti xivokolet ta jkʼan koltaele;chikintao li j-orasion ti ta koʼonton chlokʼ tale.+
2 Tukʼuk kʼusi xkʼot ta nopel avuʼun ta jtojolal;+akʼo yil asat li kʼusi tukʼe.
3 Achajoj ta kʼelel li koʼontone, akʼelojun lek li ta akʼobaltike;+alekubtasojun;+te chavakʼ venta ti chʼabal kʼusi chopol jnopoj ta jpasexchiʼuk ti chʼabal kʼusi chopol lokʼem ta kee.
4 Jech xtok, muʼyuk bu te tijil chibat ti bu chbat li j-elekʼ
jech kʼuchaʼal tspasik li yantike, yuʼun ta jchikinta li kʼusi chlokʼ ta avee.+
5 Akʼo teuk noʼox xbat kakan ti bu xpolet lek li abeesventa mu kʼusi xmak-o* li kakane.+
6 Ta jkʼanbot vokol, Dios kuʼun, yuʼun chatakʼbun.+
Tsʼetano tal achikin ta jtojolal.* Aʼio li kʼusitik chkale.+
7 Labaluk sba ti kʼu yelan chavakʼ ta ilel li tukʼil kʼanelal avuʼune,+voʼot ti Jkoltavanejot yuʼun li buchʼu tsaʼ spojobbailik ta abatsʼikʼobta skoj li buchʼutik tstoy sbaik ta atojolale.
8 Chabiun kʼuchaʼal chachabi li yuninal* asate;+nakʼun* ta yolon axikʼ.+
9 Chabiun ta stojolal li buchʼutik toj chopolik ti tstsakikun ta kʼope,ta stojolal li kajkontratak ti liʼ joyol ta jpat jxokone xchiʼuk ti tskʼan tsmilikune.+
10 Yijubem li yoʼontonike;*solel xtoyet xa ti kʼu yelan chkʼopojike;
11 vaʼun chjoyobtavanik xa;+yakʼojbeik satilal kʼusi ora xuʼ xjipvanik ta lum.
12 Xkoʼolaj kʼuchaʼal jkot leon ti tskʼan xa tajek tslilin ta tiʼel li sveʼele,xkoʼolaj kʼuchaʼal chʼiom leon ti te nakʼal* tsmala sveʼele.
13 Totsan tal, Kajval Jeova; sventa xatsak ta kʼop+ xchiʼuk xajip ta lum;koltaun lokʼel ta a-espada ta stojolal li buchʼu toj chopole;
14 koltaun lokʼel ta ajuʼel, Kajval Jeova,koltaun ta stojolal li viniketik liʼ ta balumil* ti jaʼ xa sparteik li avi kuxulike,+ti jun yoʼontonik avuʼun ta skoj ti busanbil noʼox chavakʼbe li kʼusitik leke+xchiʼuk ti chiktabe xrextoik* li yalab xnichʼnabik ti epike.
15 Pe li voʼone lek chavilun ta skoj ti lek li kʼusi yakal ta jpase;jun koʼonton ti chkilot kʼalal chijulave.*+
Tsʼibetik ta yok vun
^ O «xtʼab-o».
^ O «Nijano aba xchiʼuk chikintabun».
^ O «yunenal».
^ O «mukun».
^ O «Pixil ta xepuʼalik».
^ O «mukul».
^ O «li kʼusitik oy ta balumil».
^ O «spukulalik; sparteik».
^ O «ti chkil kʼu avelane».
