Salmos 150:1-6

  • Skotol li kʼusitik kuxajtike akʼo skʼupil kʼoptaik li Jeovae

    • ¡Aleluya! (1, 6)

150  ¡Kʼupil kʼoptaik li Jeovae!*+ Kʼupil kʼoptaik Dios te to ta xchʼul templo.+ Kʼupil kʼoptaik te ta vinajel ti tsvinajesbe li sjuʼele.+   Kʼupil kʼoptaik ta skoj li kʼusitik spasoj ta sjuʼele.+ Kʼupil kʼoptaik ta skoj ti toj echʼ xa noʼox smukʼul stsatsale.+   Kʼupil kʼoptaik ta yechʼomal kachu.+ Kʼupil kʼoptaik ta stijobil son ti oy yakʼiltake xchiʼuk ta arpa.+   Kʼupil kʼoptaik ta pandereta*+ xchiʼuk ta akʼot.* Kʼupil kʼoptaik ta stijobil son ti oy yakʼiltake+ xchiʼuk ta ama.*+   Kʼupil kʼoptaik ta simbalo* ti stsʼinlajet chbakʼe. Kʼupil kʼoptaik ta simbalo+ ti tsotsik chbakʼe.   Skotol li kʼusitik kuxajtike akʼo skʼupil kʼoptaik li Jeovae. ¡Kʼupil kʼoptaik li Jeovae!*+

Tsʼibetik ta yok vun

O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.
O «chijchij takʼin».
O «ti xajoyoyet cha-akʼotajike».
O «amay; flauta».
Li jpʼel kʼop ta ebreoe jaʼ chalbe skʼoplal stijobil son ti pasbil ta takʼine xchiʼuk ti set-sete, ti xchakʼluj to kʼalal tsnupʼ sbae.
O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.