Salmos 143:1-12

  • Takin tajek koʼonton ta atojolal Dios, xikoʼolaj kʼuchaʼal takiseran balumil

    • «Ta jnopbe skʼoplal skotol li avabtele» (5)

    • «Chanubtasun ta spasel li kʼusi chakʼane» (10)

    • Beiltasun ta slekil avoʼonton (10)

Skʼejimol David. 143  Kajval Jeova, chikintao li j-orasione;+chikintao ti xivokolet ta jkʼan akʼo xakoltaune. Takʼbun ta skoj ti tukʼ chavakʼ abae xchiʼuk ta skojli atukʼilale.   Mu xavikʼun batel ta chapanel, voʼon li avajtunelune;yuʼun mi junuk krixchano xuʼ tukʼ kʼalal te oy ta atojolale.+   Yuʼun snutsojun li kajkontrae; sjuʼilanojbun ta tekʼel ta lumtik li jkuxlejale. Ta ikʼal osil nakalun yuʼun, xikoʼolaj kʼuchaʼal li buchʼutik voʼne xa slajelike.   Chlaj xa kipal chkaʼi;+alubem xa li koʼontone.+   Chvul ta jol li kʼusitik voʼne xa tajek kʼotemik ta pasele;ta jnopbe skʼoplal skotol li avabtele;+ximuyubaj ta jnopbe skʼoplal* li yabteltak akʼobe.   Ta jyeʼ jkʼob ta atojolal;takin tajek koʼonton ta atojolal, xikoʼolaj kʼuchaʼal li takiseran balumil ti tskʼan xa tajek yaʼlele.+ (Sela).   Kajval Jeova, takʼbun ta anil.+Lajem xa li kipale.+ Mu xanakʼ* asat ta jtojolal,+yuʼun mi jech chapase, ta me xiyal batel ta chʼen* kʼuchaʼal li yantike.+   Akʼbun kaʼibe skʼoplal ta sob li tukʼil kʼanelal avuʼune,yuʼun jpatoj koʼonton ta atojolal. Akʼbun kil bu beal skʼan xixanav batel,+yuʼun te chital ta atojolal.   Kajval Jeova, pojun lokʼel ta skʼob li kajkontratake. Ta jkʼan ti xachabiune.+ 10  Chanubtasun ta spasel li kʼusi chakʼane,+yuʼun voʼot Jdiosot. Toj echʼ xa noʼox lek avoʼonton;akʼo sbeiltasun batel ta stenlejaltik* li ajuʼele. 11  Kajval Jeova, kuxulukun-o avuʼun ta skoj li abie. Koltaun lokʼel ta jvokol ta skoj li atukʼilale.+ 12  Ta skoj li tukʼil kʼanelal avuʼune, lajeso* li kajkontratake;+lajeso skotol li buchʼutik chilbajinikune,+yuʼun avajtunelun.+

Tsʼibetik ta yok vun

O «ta jchanbe skʼoplal».
O «xamuk».
O «mukinal».
O «ta yosilal tukʼilal».
Literal «tsʼijiluk xkomik avuʼun».