Salmos 141:1-10

  • Tspas orasion sventa tskʼan chabiel

    • Jechuk kʼuchaʼal pom li j-orasione (2)

    • Xkoʼolaj kʼuchaʼal aseite kʼalal chtukʼibtasvan li buchʼu tukʼe (5)

    • «Ch-och ta spetsʼ stukik li buchʼutik toj chopolike» (10)

Skʼejimol David. 141  Kajval Jeova, xivokolet ta atojolal.+ Laʼ koltaun ta anil.+ Ta melel, tsʼet chikintabun kʼalal xivokolet ta atojolale.+   Jechuk kʼuchaʼal pom ti lek chapanbil ta aventa+ li j-orasione;+kʼalal jyeʼoj jkʼobe, jaʼuk jech xavil kʼuchaʼal matanal* ta mal kʼakʼal.+   Kajval Jeova, oyuk buchʼu xchabi avuʼun li kee;ta melel, oyuk buchʼu xchabi avuʼun li stiʼil kee.+   Mu me xavakʼ ti x-ayan ta koʼonton jtosuk li kʼusi chopole,+ti koʼol jpaskutik kʼusi toj chopol xchiʼuk li buchʼutik muʼyuk xkʼuxul yoʼontonike;mi jaʼuk me xbat jlajes li kʼusitik jun yutsil tslajesike.   Ati smajun li buchʼu tukʼe, jaʼ tukʼil kʼanelal chakʼ ta ilel ta jtojolal jechuke;+ati stukʼibtasune, xkoʼolaj kʼuchaʼal tsmalbun aseite ta jol,+muʼyuk ta jpʼaj jechuk taje.+ Jech-o ta jpas orasion akʼo mi jaʼo chil svokol.   Akʼo mi xichʼ jipel yalel ta tayal* chʼen li jchapanvanejetik yuʼun jteklume,jech-o tstsʼet chikintaik li kʼusi chkale, yuʼun jun yutsil ta aʼiel.   Jech kʼuchaʼal oy buchʼu tslok osil xchiʼuk tsliline,jaʼ jech yichʼoj taniel ochel ta tiʼ Mukinal* li jbakilkutike.   Pe te skʼelojot-o li jsate, Kajval Jeova ti Mukʼul Jpasmantalote.+ Te jsaʼoj jnakʼobbail ta atojolal. Mu xavichʼ batel li jkuxlejale.   Pojun li ta petsʼ yakʼojbeikune,li ta xchʼojontak jpaschoplejaletike. 10  Jmoj ch-och ta spetsʼ stukik li buchʼutik toj chopolike,+yan li voʼone jun koʼonton te chijelav.

Tsʼibetik ta yok vun

Literal «matanal sat tsʼunobil».
O «likil».
O «Seol», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.