Salmos 140:1-13

  • Jaʼ tsatsal Jkoltavanej li Jeovae

    • Xkoʼolaj kʼuchaʼal chon li chopol krixchanoetike (3)

    • Chjipatik ta lum li jsaʼkʼop krixchanoetike (11)

Sventa bankilal jtijson. Skʼejimol David. 140  Kajval Jeova, pojun ta stojolal li buchʼutik toj chopolike;chabiun ta stojolal li jsaʼkʼop krixchanoetike,+   chabiun ta stojolal li buchʼutik toj chopol kʼusi tsnop ta yoʼontonike+xchiʼuk ti tsaʼikun ta kʼop skotol kʼakʼale.   Tsʼubajtik lek yokʼik kʼuchaʼal yokʼ chon;+li kʼusitik chalike toj echʼ xa noʼox chlajesvan kʼuchaʼal svenenoal chon.+ (Sela).   Kajval Jeova, pojun lokʼel ta skʼob li buchʼutik toj chopolike;+chiʼinun, chabiun me ta stojolal li jsaʼkʼop krixchanoetike,ta stojolal li buchʼutik snopoj tsjipikun ta lume.   Snakʼojik* jpetsʼal li buchʼutik xtoyet chaʼi sbaike,tstimanik chʼojon ta xokon be sventa jyakobil.+ Chlichʼanik jpetsʼaltak.+ (Sela).   Xi chkalbe li Jeovae: «Voʼot Jdiosot. Kajval Jeova, chikintao ti xivokolet ta jkʼan akʼo xakoltaune».+   Kajval Jeova ti Mukʼul Jpasmantalote, voʼot ti tsatsal Jkoltavanejot kuʼune,voʼot chachabi jol li ta yorail paskʼope.+   Kajval Jeova, mu xavakʼbe li kʼusi oy ta yoʼontonik li buchʼutik toj chopolike. Mu xavakʼ xkʼot ta pasel li kʼusi snopoj tspasiksventa mu stoy sbaike.+ (Sela).   Jaʼuk akʼo xpixbat sjolik li kʼusi toj chopol chlokʼ ta yeikli buchʼutik joyolik ta jpat jxokone.+ 10  Akʼo yaluk tal tsanal akʼal ta sbaik.+ Akʼo yichʼik jipel ochel ta kʼokʼ,ta natil chʼenetik*+ sventa mu xa xtotsik-o likel. 11  Akʼo mu sta yavil ta sba balumil li jchopolkʼoptavaneje.+ Akʼo nutsatuk yuʼun choplejal li jsaʼkʼop krixchanoetike xchiʼuk akʼo jipatikuk ta lum. 12  Jnaʼoj ti chpojat yuʼun Jeova li buchʼutik bikʼit yakʼoj sbaikexchiʼuk chchapan lek li buchʼutik abol sbaike.+ 13  Ta melel, tskʼupil kʼoptaik abi li buchʼutik tukʼike;li buchʼutik tukʼike te chnakiik ta aveloval.+

Tsʼibetik ta yok vun

O «Smukojik».
O «chʼenal voʼetik».