Salmos 14:1-7

  • Chichʼ akʼel ta ojtikinel li buchʼu bole

    • Xi chale: «Chʼabal Jeova» (1)

    • «Skotolik yiktaojik spasel li kʼusi leke» (3)

Sventa bankilal jtijson. Salmo yuʼun David. 14  Xi chal ta yoʼonton li buchʼu bole:* «Chʼabal Jeova».+ Toj chopol li kʼusitik tspase xchiʼuk ibalik sba;*mi junuk buchʼu maʼ ti oy kʼusi lek tspase.+   Pe ta vinajel to tskʼel talel xnichʼnab krixchanoetik li Jeovaesventa tskʼel mi oy buchʼu oy spʼijil, mi oy buchʼu yakal tsaʼ li Jeovae.+   Skotolik yiktaojik spasel li kʼusi leke;+skotolik jaʼ noʼox tspasik li kʼusi toj chopole. Mi junuk maʼ ti oy buchʼu kʼusi lek tspase,batsʼi mi junuk.   ¿Mi yuʼun ta melel mu xaʼibeik smelolal li jpaschoplejaletike? Tslajesik li jteklumal kʼuchaʼal tslajesik veʼlile. Muʼyuk tskʼanbeik vokol li Jeovae.   Pe ta xbat xchʼulelik ta xiʼel,+yuʼun jaʼ te xchiʼuk Jeova li jkʼol kuxlejal ti bu oy tukʼil krixchanoe.   Li jpaschoplejaloxuke chasokes avaʼiik li kʼusitik snopoj tspas li buchʼu bikʼit yakʼoj sbae,pe jaʼ te tsaʼ spojobbail ta stojolal li Jeovae.+   ¡Ati teuk xlik tal skoltaobba Israel li ta Sione!+ Kʼalal tstsob sutel steklumal li Jeova ti chukbilik batele,akʼo muyubajuk li Jakobe, kuxetuk yoʼonton li Israele.

Tsʼibetik ta yok vun

O «muʼyuk spʼijile».
Kʼelo Glosario, ibal sba.