Salmos 138:1-8
Salmo yuʼun David.
138 Ta sjunul koʼonton ta jkʼupil kʼoptaot.+
Ta sat yantik diosetikta jkʼupil kʼoptaot ta kʼejimoletik.*
2 Ta jkejan jba batel ta stukʼil achʼul templo*+xchiʼuk ta jkʼupil kʼopta abi+ ta skoj li tukʼil kʼanelal avuʼunexchiʼuk ta skoj ti tukʼ avakʼoj abae.
Yuʼun amukʼibtasojbe skʼoplal li kʼusi avaloje xchiʼuk li abie, jaʼ bikʼit komem skotol li yan kʼusitike.*
3 Kʼalal la jtaot ta kʼoponele, la atakʼbun;+voʼot laj avakʼbun stsatsal koʼonton xchiʼuk kipal.+
4 Kajval Jeova, skotol li ajvaliletik ta balumile tskʼupil kʼoptaikot,+yuʼun chkʼot ta xchikinik li kʼusi avaloj chapase.
5 Tskʼejintabeik skʼoplal li kʼusitik spasoj Jeovae,yuʼun toj echʼ xa noʼox li smukʼulal Jeovae.+
6 Akʼo mi ta toyol to oy li Jeovae, chil talel li buchʼu bikʼit yakʼoj sbae,+yan li jtoybae ta nom noʼox skʼeloj batel.*+
7 Akʼo mi te chixanav ti bu xibal sbae, muʼyuk chavakʼ chamkun.+
Chayeʼ batel akʼob ta stojolal li kajkontratak ti kapem sjolike,jaʼ tspojun li abatsʼikʼobe.
8 Chkʼot ta pasel yuʼun Jeova skotol li kʼusi snopoj tspas ta jtojolale.
Kajval Jeova, te oy-o sbatel osil li tukʼil kʼanelal avuʼune,+mu xavikta li yabteltak akʼobe.+
Tsʼibetik ta yok vun
^ O jaʼ van skʼoplal «Chkakʼ ta preva yantik diosetik kʼalal ta jtijbot sonetike».
^ O «ti bu chʼule».
^ O jaʼ van skʼoplal «Amukʼibtasojbe skʼoplal li kʼusi avaloje, jaʼ pekʼel to komem skʼoplal li abie».
^ Literal «ta nom noʼox chojtikin batel».
