Salmos 137:1-9

  • Ta yukʼumaltak Babilonia

    • Muʼyuk chichʼ kʼejintael mi junuk kʼejimol ta sventa li Sione (3, 4)

    • Chichʼ lajesel li Babiloniae (8)

137  Te lichotikutik ta xokon yukʼumaltak Babilonia.+ Lik okʼkunkutik kʼalal vul ta jolkutik li Sione.+   Te la jokʼan j-arpakutik+li ta alamo teʼ ti te oy ta oʼlol Babiloniae.   Yuʼun te laj yalbunkutik li jchukvanej kuʼunkutik ti akʼo jkʼejintakutik junuk kʼejimole,+tskʼanik akʼo xkakʼkutik elov li buchʼutik chchopol kʼoptaunkutike, xi laj yalike: «Kʼejintabunkutik jkojuk li kʼejimol sventa Sione».   ¿Kʼuxi xa noʼox ta jkʼejintakutik ta yan lumli kʼejimol sventa Jeovae?   Mi la jchʼayot ta jole, Jerusalen,chʼabaluk xa me stu* xkom li jbatsʼikʼobe.+   Mi muʼyuk bu la jvulesot ta jole,mi muʼyuk bu kajal to chkalbe skʼoplal li Jerusalen ti jaʼ li srasonal mas tsots skʼoplal ximuyubaj-oe,+akʼo spakʼ sba ta jpakʼov* li kokʼe.   Kajval Jeova, vuleso me ta ajolti xi laj yalik li j-edometik kʼalal laj ta tsalel li Jerusalene: «¡Jinesik! ¡Jinesik kʼalal to ta snaklebtak!».+   Stseb Babilonia, ti poʼot xavichʼ lajesele,+ta xmuyubaj li buchʼu jech tstojbot sutelli kʼusi chopol la apasbunkutike.+   Ta xmuyubaj li buchʼu tsak xut li ololetikavuʼune xchiʼuk ti tsjip batel ta tontike.+

Tsʼibetik ta yok vun

O jaʼ van skʼoplal «takinuk».
O «yakʼol ke».