Salmos 126:1-6

  • Xmuyubaj tajek li Sion ti chchaʼta yave

    • Toj labalik sba kʼusi spasoj li Jeovae (3)

    • X-okʼoletik, pe chmuyubajik ta tsʼakal (5, 6)

Kʼejimol sventa muyebaltik. 126  Kʼalal la stsob sutel tal Jeova ta Sion li buchʼutik chukbilik batele,+kalojtik mi yakal chijvaychinaj.   Li vaʼ kʼakʼale, noj ta tseʼimol li ketikexchiʼuk x-avet ta muyubajel li kokʼtike.+ Li vaʼ kʼakʼale, xi laj yalbe sbaik li mukʼtik lumetike: «Toj labalik sba kʼusi spasoj Jeova ta stojolalik».+   Toj labalik sba kʼusi spasoj Jeova ta jtojolaltik,+jaʼ yuʼun xkuxet tajek koʼontontik.   Kajval Jeova, tsobo sutel tal li jchiʼiltakutik ti chukbilik batele,jech kʼuchaʼal li yoktak voʼ ta Neguebe.*   Li buchʼutik ta yaʼlel sat tstsʼunolajikex-avetik ta muyubajel tstsobbeik sat.   Li buchʼu x-okʼolet chbat ta yosilti yichʼoj batel jchep sbekʼ stsʼunobe,ta melel x-avet ta muyubajel tsut tal,+yichʼojbe xa tal sat li kʼusi lokʼ yuʼune.+

Tsʼibetik ta yok vun

O «beoʼtik ta stenlejaltik ta sure».