Salmos 116:1-19

  • Jun kʼejimol sventa stojel ta vokol

    • ¿Kʼusi xa onoʼox ta jtojbe-o li Jeovae? (12)

    • «Ta xkuchʼ li sbel kopa sventa jtojbe ta vokol ti la spojune» (13)

    • Ta jpas li kʼusi kakʼoj ke ta jpas ta stojolal Jeovae (14, 18)

    • Tsots skʼoplal kʼalal chcham li buchʼu tukʼ yakʼoj sbae (15)

116  Jkʼanoj li Jeovae,yuʼun chchikinta* li yechʼomal kee, chchikinta kʼalal xivokolet ta jkʼan koltaele.+   Yuʼun tstsʼetan tal xchikin ta jtojolal*+xchiʼuk ta jkʼanbe vokol yoʼ to kuxulune.*   La stsʼotun ta xchʼojon li lajelale;stsakojun li Mukinale.*+ La stsalun li vokolil xchiʼuk at-oʼontone.+   Pe la jkʼanbe vokol ta sbi li Jeovae:+ «¡Kajval Jeova, pojun lokʼel!».   Oy xkʼuxul yoʼonton* xchiʼuk tukʼ li Jeovae;+chkʼuxubinvan li Jdiostike.+   Li Jeovae chchabi li buchʼu muʼyuk spʼijile.+ Laj kichʼ bikʼtajesbel jkʼoplal, vaʼun jaʼ la skoltaun.   Akʼo jta yan velta li xkuxobil koʼontone,yuʼun toj lek yoʼonton ta jtojolal li Jeovae.   Akoltaojun lokʼel li ta lajelale,akoltaojun sventa mu teuk xmalmun yaʼlel jsat ta okʼel xchiʼuk sventa mu xchʼulpʼij* kakan.+   Te oyun-o ta stojolal Jeova li ta balumil ti bu oy li kʼusitik kuxajtike. 10  Likʼopoj ta skoj ti oy xchʼunel koʼonton+ ta stojolal Diose;laj kil tajek jvokol. 11  Li voʼone lixiʼ tajek xchiʼuk xi laj kale: «Jutkʼop* skotolli krixchanoetike».+ 12  ¿Kʼusi xa onoʼox ta jtojbe-o Jeovaskotol li kʼusitik lek spasoj ta jtojolale? 13  Ta xkuchʼ* li sbel kopa sventa jtojbe ta vokol ti la spojunexchiʼuk ta jkʼanbe vokol ta sbi li Jeovae. 14  Ta jpas li kʼusi kakʼoj ke ta jpas ta stojolal Jeovakʼalal te skʼeloj sjunul li steklumale.+ 15  Tsots skʼoplal* chil Jeova kʼalal chchamli buchʼu tukʼ yakʼoj sba ta stojolale.+ 16  Kajval Jeova, ta jkʼanbot vokol,yuʼun avajtunelun. Avajtunelun, jaʼ skeremun li ants ti avajtunele. Atitunojun lokʼel li ta jchʼojonale.+ 17  Chkakʼbot li milbil matanal sventa jtojbot ta vokole;+ta jkʼanbe vokol ta sbi li Jeovae. 18  Ta jpas li kʼusi kakʼoj ke ta jpas ta stojolal Jeova+kʼalal te skʼeloj sjunul li steklumale,+ 19  te ta yamakʼil* sna Jeova,+te ta oʼlol ti bu oyote, Jerusalen. ¡Kʼupil kʼoptaik li Jeovae!*+

Tsʼibetik ta yok vun

O jaʼ van skʼoplal «Kʼanvanemun ta skoj ti chchikintabun Jeova».
O «tsnijan sba sventa xchikintabun».
Literal «ti jayib jkʼakʼalile».
Literal «la staun li vokolil chakʼ Seole».
O «slekil yoʼonton».
O «stsʼulpʼij».
O «Jnopkʼop; J-epalkʼop».
O «Ta jyeʼ muyel».
Literal «Ep sbalil».
O «stiʼ». Kʼelo Glosario, amakʼ.
O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.