Salmos 115:1-18

  • Jaʼ noʼox sta-o albel smukʼulal li Diose

    • Chʼabal kuxul li santoetike (4-8)

    • «Li balumile jaʼ yakʼojbe li krixchanoetike» (16)

    • «Muʼyuk tskʼupil kʼoptaik Jeova li animaetike» (17)

115  Mu kʼusi jtakutik-o li voʼonkutike, Kajval Jeova, mu kʼusi jtakutik-o,yuʼun jaʼ noʼox sta-o kʼupil kʼoptael li abi+ta skoj li tukʼil kʼanelal avuʼune xchiʼuk ti tukʼ chavakʼ abae.+   ¿Kʼu yuʼun xi chal li mukʼtik lumetike: «¿Bu oy li Sdiosike?»?+   Te oy ta vinajel li Jdiostike;jaʼ tspas li kʼusi oy ta yoʼonton tspase.   Ta plata xchiʼuk ta oro noʼox pasbil li santoike,yabtel noʼox yok skʼob krixchanoetik.+   Oy yeik, pe mu xkʼopojik;+oy satik, pe mu x-ilvanik.   Oy xchikinik, pe mu kʼusi xaʼiik;oy sniʼik, pe mu kʼusi xaʼibeik yikʼ.   Oy skʼobik, pe mu kʼusi stsak yuʼunik;oy yakanik, pe mu xanavik;+mi jsetʼuk* oy yechʼomal snukʼik.+   Li buchʼutik tsmeltsanik santoetike jaʼ jech chkoʼolajik xchiʼukik,+jaʼ jech chkʼot ta stojolalik ek li buchʼutik spatoj yoʼontonik ta stojolal li santoetike.+   Jteklum Israel, pato avoʼontonik ta stojolal li Jeovae,+yuʼun jaʼ tskoltaoxuk xchiʼuk jaʼ a-eskudoik.*+ 10  Snitilulal Aaron,+ pato avoʼontonik ta stojolal li Jeovae,yuʼun jaʼ tskoltaoxuk xchiʼuk jaʼ a-eskudoik.* 11  Voʼoxuk ti axiʼtaojik* li Jeovae, pato avoʼontonik ta stojolal li Jeovae,+yuʼun jaʼ tskoltaoxuk xchiʼuk jaʼ a-eskudoik.*+ 12  Chakʼbutik bendision li Jeovae xchiʼuk mu xchʼayutik ta sjol;chakʼbe bendision li jteklum Israele;+chakʼbe bendision li snitilulal Aarone. 13  Ch-akʼbatik bendision yuʼun Jeova li buchʼutik chiʼtaike,ch-akʼbatik bendision ta bikʼit ta mukʼ. 14  Cha-epajik yuʼun li Jeovae,li voʼoxuke xchiʼuk li avalab anichʼnabike.*+ 15  Akʼo yakʼboxuk bendision li Jeovae,+ti jaʼ Jpasvanej yuʼun vinajel xchiʼuk balumile.+ 16  Jaʼ yuʼun Jeova li vinajele,+pe li balumile jaʼ yakʼojbe li krixchanoetike.+ 17  Muʼyuk tskʼupil kʼoptaik Jeova* li animaetike;+mi junuk buchʼu jech tspas li buchʼu batem xa ta mukinale.*+ 18  Yan li voʼonkutike ta jkʼupil kʼoptakutik Jeova*li avie xchiʼuk kʼalal to ta sbatel osil. ¡Kʼupil kʼoptaik li Jeovae!*

Tsʼibetik ta yok vun

O «jutebuk».
O «amakobbailik».
O «amakobbailik».
Kʼelo Glosario, xiʼtael Dios.
O «amakobbailik».
Literal «li akeremtakike».
Literal «Ja». Taje jaʼ skomkom bi li Jeovae.
Literal «ti bu tsʼijile».
Literal «Ja». Taje jaʼ skomkom bi li Jeovae.
O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.