Salmos 11:1-7
Sventa bankilal jtijson.Salmo yuʼun David.
11 Jsaʼoj jnakʼobbail ta stojolal Jeova.+
Jech oxal, kʼu yuʼun xi chavalbeikune:
«¡Jatavan batel ta vitstikaltik kʼuchaʼal jkot mut!
2 Kʼelavil kʼu yelan tslaʼ s-arkoik li buchʼutik toj chopolike;tskakan sflechaik ta yakʼil s-arkoik,yuʼun te to ta ikʼal osil tstsʼapbeik lokʼel flecha li buchʼutik tukʼ yoʼontonike.
3 Kʼalal chʼabal tukʼilal xchiʼuk kʼalal muʼyuk ichʼbil ta mukʼ li mantaletike,¿kʼusi xuʼ spas li buchʼutik tukʼike?».
4 Te oy ta xchʼul templo li Jeovae.+
Te oy ta vinajel li xchotleb sventa ajvalil li Jeovae.+
X-ilvan li sate, li sat ti lek snaʼ xkʼelvane* chchaj ta kʼelel li xnichʼnab krixchanoetike.+
5 Li Jeovae chchaj ta kʼelel li buchʼu tukʼe xchiʼuk li buchʼu toj chopole;+spʼajoj li buchʼutik skʼanojik saʼkʼope.+
6 Chakʼ yalel tal epal petsʼ* ta stojolal li buchʼutik toj chopolike;li sparte tstaike* jaʼ li kʼokʼ, asufre+ xchiʼuk jchikʼvanej ikʼe.
7 Yuʼun tukʼ li Jeovae;+ skʼanoj li kʼusitik lek chichʼ pasele.+
Chilbeik sat* li buchʼu tukʼ chakʼ sbaike.+
Tsʼibetik ta yok vun
^ O «xojobaje».
^ O jaʼ van skʼoplal «tsanem akʼal».
^ Literal «li sparte chichʼik akʼbel ta skopaike».
^ O «Lek ch-ilatik».
