Salmos 109:1-31

  • S-orasion jun vinik ti mu xa snaʼ kʼusi tspase

    • «Yanuk xa-o buchʼu sbain li kʼusi toʼox sbainoje» (8)

    • Li Diose te tsvaʼan sba ta xokon li buchʼu abol sbae (31)

Sventa bankilal jtijson. Skʼejimol David. 109  Dios kuʼun, voʼot ti ta jkʼupil kʼoptaote,+ mu teuk tsʼijil xakom.   Yuʼun li buchʼutik toj chopolike xchiʼuk li jloʼlavanejetike xlichʼlun* yeik tskontrainikun. Xbetʼbun yokʼik chalik jutbil kʼop* ta jtojolal;+   te joyolik ta jpat jxokon chalik kʼusitik tsyayijesvanxchiʼuk ta jech noʼox tskontrainikun.+   Li spakol yakʼojbeikun ti kʼanvanemune jaʼ ti la stikʼbeikun jmule;+pe jech-o ta jpas orasion.   Chopol tspakbeikun sutel li kʼusi lek jpasojbeike+xchiʼuk akʼo mi jkʼanojik, spʼajojikun.+   Akʼo chapanatuk yuʼun li buchʼu toj chopole;akʼo teuk xvaʼi junuk jtikʼmulil ta sbatsʼikʼob.   Akʼo yichʼ alel ti oy smul* kʼalal chichʼ chapanele;jech xtok, jaʼuk jun mulil xkʼot kʼalal tspas orasione.+   Akʼo mu jaluk xkuxi;+yanuk xa-o buchʼu sbain li kʼusi toʼox sbainoje.+   Akʼo komikuk ta meʼon li xnichʼnabe*xchiʼuk komuk ta meʼon ants li yajnile. 10  Yalel muyelikuk ta kʼan limoxna li xnichʼnabe,*ti bu nakalik ti lilijeme akʼo lokʼikuk batel te sventa xbat saʼ sveʼelik. 11  Ichʼbatuk batel yuʼun j-akʼchʼom takʼin* skotol li kʼusitik oy yuʼunexchiʼuk akʼo elkʼanbatuk batel yuʼun yan krixchanoetik li kʼusitik oy yuʼune. 12  Chʼabaluk buchʼu xkʼuxubinat*xchiʼuk muʼyukuk buchʼu xkʼuxubinat li xnichʼnab ti meʼon komemike. 13  Akʼo yichʼ lajesel li snitilulale;+akʼo yichʼ tupʼbel sbi li ta jkʼol kuxlejale. 14  Akʼo svules ta sjol Jeova li spaltail* smoltotake+xchiʼuk akʼo mu xichʼ tupʼbel smul li smeʼike. 15  Teuk-o ta sjol Jeova li kʼusitik spasojikexchiʼuk akʼo chʼayuk skʼoplal sbiik li ta balumile.+ 16  Yuʼun li vinik taje muʼyuk vul ta sjol laj yakʼ ta ilel slekil yoʼonton,*+yuʼun jaʼ noʼox laj yakʼ ta yoʼonton snutsel li vinik ti chil svokole,+ ti povree xchiʼuk ti yayijem yoʼontonsventa tsmile.+ 17  Jaʼ xlaj-o li chopol kʼoptavaneje, jaʼ yuʼun jech kʼot ta stojolal ek;mi jutebuk oy ta yoʼonton ti sta bendision li yantike, jaʼ yuʼun muʼyuk laj yichʼ jtosuk bendision ek. 18  La skʼuʼin kʼuchaʼal skʼuʼ spokʼ li chopol kʼoptavaneje xchiʼuk och batel ta yut sbekʼtal kʼuchaʼal voʼ,xkoʼolaj kʼuchaʼal aseite och batel ta sbakiltak. 19  Li chopol kʼoptavanej tspase jaʼuk jech kʼuchaʼal kʼuʼil pokʼil ti chpix-o sba stuke+xchiʼuk jechuk kʼuchaʼal chukil ti xchukinoj skotol orae. 20  Taje jaʼ li stojobil ch-akʼbat yuʼun Jeova li buchʼu tskontrainune+xchiʼuk li buchʼutik toj chopol chalik jkʼoplale. 21  Yan li voʼote, Kajval Jeova ti Mukʼul Jpasmantalote,lekuk kʼusi xapas ta jtojolal ta skoj li abie.+ Koltaun, yuʼun toj lek li tukʼil kʼanelal avuʼune.+ 22  Yuʼun mu xpak kuʼun jkʼoplal xchiʼuk abol jba+xchiʼuk yayijem li koʼontone.+ 23  J-echʼelbeun noʼox kʼuchaʼal nakʼobal ti tsakchʼay batele;kuchbilun batel kʼuchaʼal jkot kʼulub. 24  Chpux sba sjol kakan ta skoj li ayunoe;*bakun xa xchiʼuk stuk xa jbakil.* 25  Solel tslabanikun tajek.+ Sjim xa sjolik kʼalal chilikune.+ 26  Kajval Jeova, Dios kuʼun, koltaun;koltaun ta skoj li tukʼil kʼanelal avuʼune. 27  Kajval Jeova, akʼo snaʼik ti jaʼ yabtel akʼobe;ti voʼot la apas taje. 28  Akʼo chopol kʼoptavanikuk, yan li voʼote chavakʼ bendision. Akʼo ta kʼexlaluk xkomik kʼalal chlik stsakikun ta kʼope,pe akʼo kuxetuk yoʼonton li avajtunele. 29  Akʼo pixil xkomik ta kʼexlal li buchʼutik tsaʼikun ta kʼope;akʼo pixil xkomik ta kʼexlal kʼuchaʼal natil kʼuʼil ti chʼabal skʼobe.+ 30  Tsots tskʼupil kʼopta Jeova li kee;ta yeloval epal krixchanoetik ta jkʼupil kʼopta.+ 31  Yuʼun te tsvaʼan sba ta sbatsʼikʼob li buchʼu abol sbae,sventa tspoj lokʼel ta stojolal li buchʼutik chalik ti oy smule.

Tsʼibetik ta yok vun

O «xchʼobchʼun».
O «nopbil kʼop; epal kʼop».
O «toj chopol».
Literal «skeremtake».
Literal «skeremtake».
O «Akʼo xlaj ta spetsʼ j-akʼchʼom takʼinetik».
O «x-akʼbat ta ilel tukʼil kʼanelal».
O «li xchopolil».
O «tukʼil kʼanelal yuʼun».
Kʼelo Glosario, ayuno.
Literal «chʼabal xa jbekʼtal, chʼabal xa jxepuʼal (j-aseiteal)».