Salmos 101:1-8

  • Oy stukʼil yoʼonton li jun ajvalile

    • Mu teuk noʼox jkʼeloj li buchʼu xtoyet xa tspas sbae (5)

    • Te jsat ta stojolal li buchʼutik tukʼ yakʼoj sbaike (6)

Skʼejimol David. 101  Ta jkʼejintabe skʼoplal li tukʼil kʼanelale xchiʼuk li tukʼilale. Kajval Jeova, ta jkʼupil kʼoptaot ta kʼejimoletik.*   Chkakʼ ta ilel ti oy lek jpʼijile xchiʼuk ti chʼabal jpaltaile.* ¿Bakʼin to chatal ta jtojolal? Oy stukʼil koʼonton chkakʼ jba+ li ta yutil jnae.   Muʼyuk bu te chkakʼ jsat ta sventa li kʼusi muʼyuk sbalile.* Jpʼajoj kʼusitik tspasik li buchʼutik kʼejpʼujemik* lokʼel ta sbelel li kʼusi tukʼe;+mu kʼusi jventaik-o.*   Nom oy ta jtojolal li chopol oʼontonale;mu lekuk chkil* li kʼusi chopole.   Buchʼuuk noʼox ti chchopol kʼopta ta mukul xchiʼile+ta jtsʼijtsan.* Buchʼuuk noʼox ti xtoyet xa tspas sate xchiʼuk ti xtoyet xa li yoʼontonemu teuk noʼox jkʼeloj.   Te jsat ta stojolal li buchʼutik tukʼ yakʼoj sbaik liʼ ta balumile,sventa jmoj xinakikutik. Jaʼ chkʼot ta kajtunel li buchʼu chʼabal spaltaile.*   Mi junuk jloʼlavanej krixchano chnaki ta jnaxchiʼuk mi junuk jutkʼop* chtal svaʼan sba ta jtojolal.*   Jujun sob ta jlajesbe skʼoplal skotol li buchʼutik toj chopolik ta balumile,sventa jtuchʼ lokʼel ta steklumal Jeova skotol li jpaschoplejale.+

Tsʼibetik ta yok vun

O «ta jtijbot sonetik».
O «xchiʼuk ti oy stukʼil koʼontone; xchiʼuk ti chʼabal jchopolile».
O «ti mu kʼusi xtun-oe».
O «kʼejevemik; tsʼepʼujemik».
O «muʼyuk bu ta jchanbe li kʼusi tspasike».
Literal «muʼyuk chkojtikin».
O «ta jlajesbe skʼoplal».
O «oy stukʼil yoʼontone; chʼabal xchopolile».
O «jnopkʼop; j-epalkʼop».
Literal «ta yeloval jsat».