Proverbios 18:1-24

  • Buchʼuuk noʼox ti chchʼak sbae tsaʼ kʼusi tskʼan stuk xchiʼuk muʼyuk pʼij (1)

  • «Li sbi Jeovae jaʼ jun tsatsal tayal kʼelob osil» (10)

  • Li kʼulejale jaʼ noʼox chichʼ nopel ti chchabivane (11)

  • Pʼij mi chichʼ chikintael ta xchaʼjotale (17)

  • Li jun amigoile mas to kʼanvanem kʼuchaʼal jchiʼiltik ta vokʼel (24)

18  Buchʼuuk noʼox ti chchʼak sbae jaʼ noʼox tsaʼ li kʼusi tskʼan yoʼonton stuke;ta spʼaj* skotol li pʼijilale.   Li bol krixchanoe muʼyuk kʼupil sba chil li yaʼibel smelolale;jaʼ lek chaʼi ti chchaj ta kʼelel li kʼusi oy ta yoʼontone.+   Kʼalal chtal li buchʼu toj chopole, chtal li pʼajel xtoke;xchiʼuk kʼalal oy kʼexlaltasele, oy vokolil xtok.+   Li kʼusitik chlokʼ ta ye li jun vinike xkoʼolaj kʼuchaʼal natil voʼ.+ Li snioʼal pʼijilale xkoʼolaj kʼuchaʼal ukʼum ti tsots chanav yoke.   Muʼyuk lek ti jaʼ lek xa chkiltik li buchʼu toj chopole+xchiʼuk muʼyuk lek ti mu xa lekuk chichʼ chapanel li buchʼu tukʼe.+   Li skʼopojel buchʼu bole tslikes kʼop+xchiʼuk ta skoj li yee, tsaʼ smajel stuk.+   Li ye buchʼu bole jaʼ slajeb stuk+xchiʼuk li yanal yee* jaʼ petsʼ ta sventa li xkuxlejale.   Li kʼusi chlokʼ ta ye li jutmulile* xkoʼolaj kʼuchaʼal muil veʼlil;*+chichʼ bikʼel xchiʼuk chkʼot kʼalal to ta yut chʼutil.+   Buchʼuuk noʼox ti chʼaj ta yabtelejaʼ xchiʼil li buchʼu chakʼ vokolile.+ 10  Li sbi Jeovae jaʼ jun tsatsal tayal kʼelob osil.+ Jaʼ te chbat ta anil li buchʼu tukʼe, vaʼun te chichʼ chabiel.*+ 11  Li skʼulejal buchʼu jkʼuleje jaʼ li steklumal ti joyobtabil ta muroe;li ta snopbene xkoʼolaj kʼuchaʼal jun muro ti chchabivane.+ 12  Mi xtoyet yoʼonton li jun vinike, jaʼ chyalesat ta lum+xchiʼuk mi oy buchʼu bikʼit chakʼ sbae, tsta smukʼulal.+ 13  Mi oy buchʼu tstakʼ ta anil kʼalal muʼyuk to yabinoj li kʼusi kʼotem ta pasele,jaʼ bol krixchano xchiʼuk chakʼ sba ta kʼexlal.+ 14  Li stsatsal yoʼonton jun krixchanoe jaʼ xuʼ xkoltaat sventa xkuch yuʼun li xchamele,+pe ¿buchʼu xuʼ xkuch yuʼun li tsatsal at-oʼontone?+ 15  Li yoʼonton buchʼu xaʼibe smelolale tsaʼ li yojtikinobile+xchiʼuk li xchikin buchʼu pʼije chakʼ persa saʼel li yojtikinobile. 16  Li matanal yuʼun jun vinike jaʼ chjambat batel sbe;+jaʼ chjelav-o batel ta stojolal li buchʼutik tsots skʼoplalike. 17  Li buchʼu baʼyel chkʼot spak skʼoplale oy srason yilel,+pe mi kʼot li yane, chchaj lek ta kʼelel mi melel.+ 18  Mi laj yichʼ akʼel li suertee, jaʼ te chlaj-o li kʼope+xchiʼuk ta lek noʼox chchʼak sbaik yuʼun li buchʼu tsots skontrainoj sbaike. 19  Mas vokol ta lajesbel yoʼonton li amigoil ti chopol chaʼi sbae, jaʼ mas kʼun ta tsalel li  jun jteklum ti joyol ta muroe.+Jech xtok, oy utbail ti xkoʼolaj kʼuchaʼal li stakʼinaltak stiʼ jun tsatsal jteklume.+ 20  Li kʼusi chlokʼ ta ye li jun vinike xkoʼolaj kʼuchaʼal veʼlil ti chnojesbat xchʼute,+jaʼ chnoj-o xchʼut li kʼusi chlokʼ ta yee. 21  Li kokʼtike xuʼ xakʼ kuxlejal xchiʼuk lajelal;+li buchʼutik lek xaʼiik stunesel li yokʼike tstabeik stojobil li kʼusitik chalike.+ 22  Li buchʼu tsta jun lekil ajnilale oy kʼusi lek staoj+xchiʼuk lek ch-ilat yuʼun li Jeovae.+ 23  Li buchʼu povree xvokolet chkʼopoj,pe li buchʼu jkʼuleje tsotsik xa chtakʼav. 24  Oy buchʼutik ti xchiʼil sbaike ta anil noʼox tsyayijes sbaik ta jujuntal,+pe oy jun amigoil ti mas to kʼanvanem kʼuchaʼal junuk jchiʼiltik ta vokʼele.+

Tsʼibetik ta yok vun

O «chakʼ ta ilel ti tspʼaj».
O «spakʼal yee».
O «jnopmulile».
O «xkoʼolaj kʼuchaʼal kʼusitik ti anil chichʼ bikʼele».
Literal «chichʼ toyel muyel ta toyol», jaʼ xkaltik, ti bu mu xichʼ taele, ti bu jun yoʼontone.