Proverbios 15:1-33

  • «Kʼalal xlamet noʼox chijtakʼave, chchʼak lokʼel li skʼakʼal oʼontonale» (1)

  • «Li Jeovae chajal ta sba sat skotol» (3)

  • Xmuyubaj-o yuʼun Jeova li s-orasion buchʼutik tukʼike (8)

  • Muʼyuk lek kʼusi chkʼot ta pasel mi muʼyuk chichʼ jakʼele (22)

  • Tsnop lek baʼyel li kʼusi tstakʼe (28)

15  Kʼalal xlamet* noʼox chijtakʼave, chchʼak lokʼel li skʼakʼal oʼontonale,+yan mi chyayijesvan* ti kʼu yelan chijkʼopoje, tslikes skapemal jolil.+   Li yokʼ buchʼutik pʼijike lek tstunesik li yojtikinobile,+yan li buchʼutik bolike jaʼ chlokʼ ta yeik li kʼusitik bolike.   Li Jeovae chajal ta sba sat skotol,yiloj li buchʼutik lekike xchiʼuk li buchʼutik chopolike.+   Li lekil kʼopojele* xkoʼolaj kʼuchaʼal jtekʼ teʼ sventa kuxlejal,+yan li chopol kʼopojele tsyayijes koʼontontik.   Li buchʼu bole muʼyuk chichʼ ta mukʼ li tukʼibtasel chakʼ stote,+yan li buchʼu pʼije chchʼam li tojobtasele.*+   Ep tajek kʼulejal ta sna li buchʼu tukʼe,yan li buchʼu toj chopole tsta-o svokol li kʼusitik tstae.*+   Li ye buchʼutik pʼijike tspukik batel yojtikinobil,+pe mu jechuk tspas yoʼonton li buchʼu bole.+   Toj chopol chil Jeova li milbil matanal chakʼik li buchʼutik toj chopolike,+jaʼuk li s-orasion buchʼutik tukʼike xmuyubaj-o yuʼun.+   Toj chopol chil Jeova ti kʼu yelan xkuxlejal* li buchʼu toj chopole,+pe jaʼ skʼanoj li buchʼu tstsʼakli batel li tukʼilale.+ 10  Chopol* noʼox chil tukʼibtasel li buchʼu tskomtsan lekil bee,+pe buchʼuuk noʼox ti tspʼaj li tukʼibtasele chcham.+ 11  Chajal ta sba ta sat Jeova li Mukinale* xchiʼuk li yavil lajelale,*+ ¡pe mas to chajal ta sba ta sat li yoʼonton krixchanoetike!+ 12  Li jlabanvaneje muʼyuk skʼanoj li buchʼu chtukʼibtasate,+ muʼyuk tsjakʼbe sloʼil li buchʼutik pʼijike.+ 13  Li oʼontonal ti xmuyubaje stseʼet noʼox jsatik yuʼun,pe mi kʼux li koʼontontike, chlubtsanvan.+ 14  Li oʼontonal ti xaʼibe smelolale tsaʼ li yojtikinobile,+yan li ye buchʼutik bolike jaʼ noʼox sveʼelinojik* li kʼusi bole.+ 15  Chopol noʼox chil skotol kʼakʼal li buchʼu chat yoʼontone,+yan li buchʼu xkuxet* noʼox yoʼontone xmuyubaj noʼox skotol kʼakʼal.*+ 16  Jaʼ mas lek mi jxiʼtaojtik* Jeova akʼo mi jutuk kʼusi oy kuʼuntike,+jaʼ muʼyuk lek mi chkat koʼontontik* akʼo mi ep jkʼulejaltike.+ 17  Jaʼ mas lek mi oy kʼanbail akʼo mi jun noʼox setsʼ* itaj oye,+jaʼ muʼyuk lek mi oy pʼajbail akʼo mi oy jkot tot vakax ti jupʼesbile.*+ 18  Li buchʼu anil snaʼ x-iline jaʼ tslikes kʼop,+yan li buchʼu mu snaʼ x-ilin ta anile jaʼ tspajes kʼop.+ 19  Li buchʼu chʼaje xkoʼolaj ti makbil ta chʼix li sbee,+pe li sbe buchʼutik tukʼike xkoʼolaj kʼuchaʼal jun be ti lek meltsanbile.+ 20  Li pʼijil nichʼonile xmuyubaj yuʼun li stote,+yan li bol vinike spʼajoj li smeʼe.+ 21  Li buchʼu muʼyuk yichʼoj spʼijile* jaʼ xkuxet-o yoʼonton yuʼun li sbolile,+yan li vinik ti oy kʼusi lek snaʼe tukʼ stamoj batel sbe.+ 22  Muʼyuk lek kʼusi chkʼot ta pasel mi muʼyuk chichʼ jakʼel li kʼusi chichʼ pasele,pe lek kʼusi chkʼot ta pasel kʼalal oy ep jtojobtasvanejetike.+ 23  Kʼalal lek kʼusi tstakʼ li jun vinike, xkuxet noʼox yoʼonton+xchiʼuk ¡toj lek kʼalal oy kʼusi chichʼ alel ti ta yorail noʼoxe!+ 24  Li buchʼu oy spʼijile chmuy batel li ta sbelel kuxlejale+xchiʼuk maʼuk tstam batel li be ti bu chyal batel ta Mukinale.*+ 25  Li Jeovae tsjinesbe sna li jtoybaetike,+pe jaʼ te chiktabe-o stsʼakil yosil li ants ti chamem smalale.+ 26  Li Jeovae solel muʼyuk lek chil li kʼusi chopol snopoj tspasik li buchʼutik toj chopolike,+pe jaʼ lek chil li kʼusitik kʼupilik sba chichʼ alele.+ 27  Li buchʼu mu lekuk kʼuxi tsta stakʼine chakʼbe svokol* yutsʼ yalal,+yan li buchʼu spʼajoj li chonbail ta takʼine* ta xkuxi.+ 28  Li buchʼu tukʼe tsnop lek baʼyel ta yoʼonton li kʼusi tstakʼe,+yan li buchʼutik toj chopolike chakʼ lokʼuk ta yeik li kʼusitik muʼyuk leke. 29  Li Jeovae solel nom oy ta stojolal li buchʼutik toj chopolike,pe jaʼ chchikintabe s-orasion li buchʼutik tukʼike.+ 30  Chakʼ muyubajuk koʼontontik mi xojobaj noʼox li jsatike;*kʼalal oy kʼusi lek chichʼ alele, tstsatsubtas li jbakiltike.*+ 31  Li buchʼu chchikinta li tukʼibtasel ti chakʼ kuxlejalete xchiʼuk ta naklej li buchʼutik pʼijike.+ 32  Buchʼuuk noʼox ti spʼajoj li tukʼibtasele tspʼaj li xkuxlejale,+pe buchʼuuk noʼox ti chchikinta li tukʼibtasele tsta spʼijil.+ 33  Li xiʼtael Jeovae tstojobtas li jun krixchano sventa sta spʼijile+xchiʼuk mi bikʼit chakʼ sbae, ta sta li smukʼulale.+

Tsʼibetik ta yok vun

O «lek».
O «kʼuxik».
O «Li kʼopojel ti chpoxtavane».
O «tukʼibtasele».
O «li stakʼine».
Literal «li sbe».
O «Tsots».
O «Seole», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «xchiʼuk li Abadone».
O «snutsojik».
O «lek».
O «xmuyubaj noʼox, yuʼun xkoʼolaj ti oy mukʼta veʼel skotol kʼakʼal chaʼie».
Kʼelo Glosario, xiʼtael Dios.
O «mi mu jnaʼ kʼusi ta jpastik».
O «plato».
Literal «ti makʼlinbil ta sveʼebe».
O «muʼyuk yoʼontone».
O «Seole», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «chakʼ ta kʼexlal».
O «li michʼob kʼabale».
O «mi xijmuyubaj noʼox chijkʼelvane».
Literal «chjupʼ yuʼun li jbakiltike».