Isaias 64:1-12

  • Jaʼ to chichʼ albel skʼoplal li orasion ti chakʼ ta ilel ti sutesoj yoʼontone (1-12)

    • Jeova, «voʼot Jpatvanejot kuʼunkutik» (8)

64  ¡Ati lajuk ajat li vinajele xchiʼuk ti layaluk tale,ati lajuk anikes li vitsetike,   jech kʼuchaʼal li kʼokʼ ti chtil yuʼun jobelsventa chvokan yuʼun li voʼe,vaʼun bi, chojtikin abi li avajkontratakexchiʼuk chnikik ta xiʼel avuʼun li mukʼtik lumetike!   Kʼalal oy kʼusitik labalik sba la apas ti muʼyuk jmalaojkutik jeche,+layal talel, vaʼun nik avuʼun li vitsetike.+   Ta voʼne xa onoʼox muʼyuk buchʼu yaʼioj mi jaʼuk buchʼu stsʼetanoj xchikin,mi junuk buchʼu yiloj yan Dios kʼuchaʼal li voʼote,ti oy kʼusi lek chapasbe li buchʼutik spatoj yoʼontonik* ta atojolale.+   Lokʼ anup ta be li buchʼutik xmuyubajik noʼox tspasik li kʼusitik leke,+li buchʼutik tstaikot ta naʼele xchiʼuk ti stamojik batel li abee. ¡Kʼelavil! La-ilin, yuʼun la jsaʼ jmulkutik,+jal tajek jech la jpaskutik. Jaʼ yuʼun, ¿mi jtakutik-o van ti xkichʼkutik pojele?   Jkotolkutik xikoʼolajkutik xchiʼuk li buchʼutik ibal sbaike*xchiʼuk skotol li kʼusitik tukʼ ta jpaskutike xkoʼolaj kʼuchaʼal jlik skʼuʼ spokʼ jun ants kʼalal chil xchamele.+ Jkotolkutik ta xitakijkutik kʼuchaʼal yanal teʼxchiʼuk chkuchunkutik batel kʼuchaʼal ikʼ li jpaltailkutike.*   Muʼyuk buchʼu tsta ta naʼel li abie,muʼyuk buchʼu oy ta yoʼonton ti stsak yikob ta atojolale,yuʼun laj xa anakʼ* asat ta jtojolalkutik+xchiʼuk chilubtsajkutik* batel avuʼun ta skoj li jmulkutike.   Pe li voʼote, Jeova, voʼot Jtototkutik.+ Voʼonkutik li achʼele xchiʼuk voʼot Jpatvanejot kuʼunkutik;*+jkotolkutik jaʼunkutik yabtel akʼob.   Kajval Jeova, mu toj echʼemuk xa-ilin ta jtojolalkutik+xchiʼuk mu xavules ta ajol ta sbatel osil li jmulkutike. Avokoluk, vuleso ta ajol ti jkotolkutik jaʼunkutik ateklumale. 10  Li chʼul jteklumetik avuʼune kʼotem xa ta takixokol balumil. Li Sione kʼot xa ta takin balumil,li Jerusalene xokol osil xa kom.+ 11  Li chʼul templo kuʼunkutik ti toj kʼupil sbae,ti bu la skʼupil kʼoptaikot li jmoltotakutike,laj xa yichʼ chikʼel ta kʼokʼ+xchiʼuk lilijem xa skotol li kʼusitik ep sbalil chkilkutike. 12  Ta skoj taje, Kajval Jeova, ¿mi muʼyuk van kʼusi chapas? ¿Mi te noʼox tsʼijil chakom xchiʼuk mi te noʼox akʼeloj ti chi-akʼbat tajek jvokolkutike?+

Tsʼibetik ta yok vun

O «oy smalael yuʼunik».
Kʼelo Glosario, ibal sba.
O «jchopolilkutike».
O «amuk».
Literal «chi-unijkutik».
O «la apasunkutik».