Isaias 57:1-21

  • Li buchʼu tukʼ chakʼ sbae xchiʼuk li buchʼu tukʼe ta xchamik (1, 2)

  • Chichʼ akʼel ta naʼel ti chichʼ ta mukʼ yan diosetik li Israele (3-13)

  • Chichʼ patbel yoʼonton li buchʼutik bikʼit yakʼoj sbaike (14-21)

    • Li buchʼutik toj chopolike xkoʼolajik kʼuchaʼal nab ti xyukʼlajete (20)

    • «Muʼyuk jun yoʼonton li buchʼutik toj chopolike» (21)

57  Laj xa skʼoplal li buchʼu tukʼe,pe muʼyuk buchʼu laj yakʼ ta yoʼonton. Laj yichʼik ikʼel batel* li viniketik ti tukʼ yakʼoj sbaike,+pe muʼyuk buchʼu laj yakʼ ventati cham ta skoj vokolil* li buchʼu tukʼe.   Chbat xkux yoʼonton. Te chkux ta sba stemik* skotol li buchʼutik jaʼ stamojik batel sbelel li kʼusi tukʼe.   «Pe li voʼoxuke, nopajanik tal,voʼoxuk ti yalaboxuk meʼ j-akʼchamele,ti skeremoxuk li buchʼu tsloʼla snup xchiʼile xchiʼuk li jchonbail antse:   ¿buchʼu van ti chalabanike? ¿Buchʼu ti chajachʼbe aveike xchiʼuk ti chalokʼesbe avokʼike? ¿Mi mu jaʼuk xnichʼnaboxuk li mulilexchiʼuk li loʼlavaneje,+   ti oy tajek ta avoʼontonik chiʼinejbail ta vayel ta yolon mukʼtikil teʼetike,+ta yolon skotol teʼetik ti lek pim yanale,+ti chamil avalab anichʼnabik ta stenlejaltike,*+li ta yolon sjavbenal tayal tonetike?   Jaʼ aparte li chʼulul tonetik ta stenlejaltike.* Jech, jaʼ arexto.*+ Yuʼun la amalbe matanal vino xchiʼuk laj avakʼbe matanaletik.+ ¿Mi yuʼun jun koʼonton yuʼun* li kʼusitik taje?   Te laj avakʼ atem* ta sjol tayal vits+xchiʼuk te lamuy batel sventa te xavakʼ milbil matanal.+   Ta spat li tiʼ na xchiʼuk li smarkoal ta xokontake la ajokʼanbe senyail sventa svulesobil ta ajol. Laj aviktaun xchiʼuk la atʼanan aba;lamuy xchiʼuk la axokobtas atem* sventa xatikʼ yan. La apas jun trato xchiʼukik. Lek tajek xavaʼi ti koʼol atemik xchiʼukike,+jech xtok, te bat asat ta skʼelbel li skʼunil vinike.*   Layal batel xchiʼuk a-aseite ta stojolal Melek*xchiʼuk laj avichʼ batel epal perfume. Nom la atak batel li j-ichʼ-aʼyejetik avuʼune,jaʼ yuʼun layal batel ta Mukinal.* 10  Avakʼoj persa stamel li epal beetik avuʼune,pe mu xiuk laj avale: ‹¡Chʼabal xa spatobil koʼonton!›. La ata yan velta avipal. Jaʼ yuʼun, muʼyuk xalubtsaj.* 11  ¿Buchʼu ti chʼay achʼulel ta xiʼel yuʼune xchiʼukti lik ajut kʼop* ta skoj ti laxiʼ yuʼune?+ Muʼyuk la avulesun ta ajol.+ Muʼyuk kʼusi laj avakʼ ta avoʼonton.+ Ta skoj ti tsʼijilun noʼox xchiʼuk ti la jmuk li kʼusitik apasoje,+ mi jsetʼuk* la axiʼtaun.* 12  Chkakʼ ta ojtikinel li atukʼilal ta alele+ xchiʼuk li kʼusitik chapase,+pe muʼyuk chatabe sbalil.+ 13  Kʼalal xa-avet chakʼan koltaele,muʼyuk chtal skoltaot li epal santoetik avuʼune.+ Ta xichʼik kuchel batel skotolik ta ikʼ,ta yikʼal noʼox sniʼ jun krixchano ta xkuchatik batel,pe jaʼuk li buchʼu tsaʼ snakʼobbail ta jtojolale jaʼ ta xuʼunin li balumilexchiʼuk chkʼot ta sparte li chʼul vits kuʼune.+ 14  Xi chichʼ alele: ‹¡Meltsanik, meltsanik batel jun be! ¡Chapanik li bee!+ Lokʼesik skotol li kʼusi chmakvan li ta sbe jteklumale›». 15  Yuʼun xi chal li Buchʼu toyol oye xchiʼuk li Buchʼu mas toyol oye,ti te oy-o* sbatel osile+ xchiʼuk ti chʼul li sbie:+ «Tey nakalun ti bu mas toyole xchiʼuk ti chʼule,+pe te jchiʼuk xtok li buchʼutik oy svokolike* xchiʼuk li buchʼutik bikʼit yakʼoj sbaike,sventa xichʼik akʼbel yan velta yipik li buchʼutik bikʼit yakʼoj sbaikexchiʼuk sventa xichʼik tsatsubtasbel yoʼontonik yan velta li buchʼutik oy svokolike.*+ 16  Yuʼun muʼyuk ta jkontrainik-o sbatel osilmi jaʼuk ilinemun-o ta stojolalik;+yuʼun li yip xkuxlejal* jun vinike ta xkʼunib ta jkoj,+ta xkʼunibik ek li kʼusitik chichʼik ikʼ ti voʼon jpasoje. 17  Li-ilin ta skoj li smule, ti yakʼoj persa chloʼlavan sventa spas kanal takʼine,+jaʼ yuʼun la jmaj, la jnakʼ* li jsate xchiʼuk li-ilin. Pe jech-o la stoy sba,+ jaʼ la stam-o batel li kʼusi tskʼan yoʼontone. 18  Kiloj li kʼusitik tspase,*akʼo mi jech, ta jpoxta+ xchiʼuk ta jbeiltas,+jech xtok, ta jpatbe yoʼonton yan velta+ xchiʼuk ta jpatbe yoʼontonik li buchʼutik te xchiʼuk ti chat yoʼontonike».+ 19  Xi chal li Jeovae: «Voʼon chkakʼ ti akʼo skʼupil kʼoptaikune. Chkakʼbe ti junuk-o yoʼonton li buchʼu nom oye xchiʼuk li buchʼu nopol oye+xchiʼuk ta jpoxta. 20  Pe li buchʼutik toj chopolike xkoʼolajik kʼuchaʼal nab ti mu xpaj ta yukʼlajetelexchiʼuk ti naka achʼel ta sjip lokʼel talele xchiʼuk li tsʼiʼleletik ti chchʼi ta yute». 21  Xi chal li Dios kuʼune: «Muʼyuk jun yoʼonton li buchʼutik toj chopolike».+

Tsʼibetik ta yok vun

Jaʼ xkaltik, ta lajelal.
O jaʼ van skʼoplal «sventa xjatav lokʼel ta vokolil».
O «svayebik». Jaʼ xkaltik, ta smukinalik.
O «beoʼtik ta stenlejaltike».
O «beoʼ ta stenlejaltike».
O «apukulal; aparte».
O «tspat koʼonton».
O «avayeb».
O «avayeb».
Jaʼ van skʼoplal li yichʼel ta mukʼ yan diosetike.
O jaʼ van skʼoplal «li ajvalile».
O «Seol», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
Literal «xalub».
O «anop kʼop; epal kʼopojan».
O «jutebuk».
Kʼelo Glosario, xiʼtael Dios.
O «nakal-o».
O «buchʼutik sutesoj yoʼontonike».
O «buchʼutik sutesoj yoʼontonike».
O «xchʼulel».
O «jmuk».
Literal «li sbetake».