Isaias 43:1-28
43 Jakob, Israel, li Jeovati jaʼ Jpasvanej avuʼun xchiʼuk ti jaʼ la smeltsanote xi chale:+
«Mu xaxiʼ, yuʼun voʼon jchaʼmanojot.+
La jtakot ta ikʼel ta abi.
Kuʼunot xa.
2 Kʼalal mi echʼ atuchʼ li nabe, te ta jchiʼinot+xchiʼuk mi echʼ atuchʼ li ukʼumetike, muʼyuk ta smutʼiot.*+
Kʼalal mi la-echʼ ta sba li kʼokʼe, muʼyuk ta xakʼakʼxchiʼuk muʼyuk chchikʼot li sleb kʼokʼe.
3 Yuʼun voʼon Jeovaun, voʼon Adiosun,li Buchʼu chʼul yuʼun Israele, li Jpojvanej avuʼune.
Jaʼ kakʼoj ti xkʼot ta akʼexol li Ejiptoe,jaʼ laj kakʼ ti xkʼot ta ajelobil li Etiopia xchiʼuk Sebae.
4 Yuʼun ep abalil chkilot,+kichʼojot ta mukʼ xchiʼuk jkʼanojot.+
Jaʼ yuʼun, ta xkakʼ ta akʼexol li krixchanoetikexchiʼuk jaʼ chkʼot ta xkʼexol akuxlejal li mukʼtik lumetike.
5 Mu xaxiʼ, yuʼun liʼ jchiʼinojote.+
Ta xkikʼ talel anitilulal ti te to oyik ta slokʼeb kʼakʼalexchiʼuk ta jtsobik talel ti te to oyik ta smaleb kʼakʼale.+
6 Xi ta xkalbe li nortee: ‹¡Akʼo sutikuk tal!›,+
xchiʼuk xi chkalbe li sure: ‹Mu teuk xavikʼ-o komel.
Ikʼo sutel talel li jnichʼnab ti nom to oyike xchiʼuk li jtsebetak ti te to oyik li ta spajeb balumile,+
7 skotol li buchʼutik yichʼojik jbie+xchiʼuk li buchʼu jpasoj sventa xkichʼ mukʼibtasbel jkʼoplale,ti buchʼu jmeltsanoj xchiʼuk jpasoje›.+
8 Lokʼeso tal jun jteklum ti maʼsat akʼo mi oy satexchiʼuk lokʼeso tal li pakʼchikinetik* akʼo mi oy xchikinike.+
9 Akʼo stsob sbaik ta jun yavil skotol li mukʼtik lumetikexchiʼuk akʼo stsob sbaik li jteklumetike.+
¿Buchʼu junukal yuʼunik xuʼ xalbe skʼoplal taje?
¿Mi xuʼ xalik tal kaʼitik li kʼusitik poʼot xa xkʼot ta pasele?*+
Akʼo yikʼ tal stestigoik sventa xakʼik ta ilel ti oy srasonikeo ti xaʼiik yantik xchiʼuk ti ‹¡melel yaʼuk!›+ xiikuke».
10 Xi ta xal li Jeovae: «Voʼoxuk jtestigooxuk,+jech, voʼoxuk li kajtuneloxuk ti jtʼujojoxuke,+jaʼ yuʼun chavojtikinikun xchiʼuk chavakʼ xchʼunel avoʼontonik* ta jtojolalxchiʼuk chavaʼibeik smelolal ti mu jnaʼ xijele.+
Muʼyuk laj yichʼ pasel mi junuk dios kʼalal chʼabalun toʼoxexchiʼuk muʼyuk x-ayan yan dios kʼalal oyun xa oxe.+
11 Voʼon noʼox jtuk Jeovaun,+ muʼyuk yan jkoltavanej, voʼon noʼox jtuk».+
12 Xi chal li Jeovae: «Voʼon ti laj kal li kʼusi chkʼot ta pasele, ti la jkoltaoxuke xchiʼuk voʼon laj kakʼ ta naʼelkʼalal chʼabal toʼox yan dios ta atojolalike.+
Jaʼ yuʼun, voʼoxuk jtestigooxuk ti voʼon Diosune.+
13 Jech xtok, mu jnaʼ xijel ta sbatel osil;+muʼyuk buchʼu xuʼ spojbun li kʼusi oy ta jkʼobe.+
¿Buchʼu xuʼ spajtsanun kʼalal oy kʼusi ta jpase?».+
14 Xi chal li Jeovae, ti jaʼ li Jchaʼmanvanej avuʼunike,+ li Buchʼu chʼul yuʼun Israele:+
«Voʼoxuk ta akojik ta jtak batel soltaroetik li ta Babiloniae xchiʼuk ti ta jtots lokʼel li stakʼinaltak ochebaletike,+vaʼun li jkaldeaetike ta x-avanik ta at-oʼontonli ta svarkoike.+
15 Voʼon li Jeovaune, li Buchʼu chʼul avuʼunike,+ li Jpasvanej yuʼun Israele,+ li Ajvalil avuʼunike».+
16 Li Jeovati jaʼ li buchʼu tspol batel jun be ta nabexchiʼuk ti tspol batel jun be li ta voʼ ti xyukʼlajete,+
17 ti jaʼ li buchʼu tslokʼes tal kareta sventa paskʼope, li kaʼe,+li soltaroetike xchiʼuk li tsatsal jpaskʼopetike xi chale:
«Te telajtik chkomik xchiʼuk muʼyuk xa chtotsik talel.+
Chichʼ tupʼbel skʼoplalik jech kʼuchaʼal chichʼ tupʼel jun mecha ti tsanem skʼakʼale».
18 «Mu xavules ta ajolik li kʼusitik echʼem xaexchiʼuk mu jaʼuk te xanopnunik-o yuʼun li kʼusitik jelavem xae.
19 ¡Kʼelavil! Oy kʼusi achʼ yakal ta jpas;+avie, ta xa xlik vinajuk tal.
¿Mi mu xavakʼik venta?
Ta jpas jun be ti ch-echʼ li ta takixokol balumile+xchiʼuk chkakʼ beinuk ukʼumetik li ta takixokol balumile.+
20 Ta xlik yichʼikun ta mukʼ li teʼtikal chonbolometik ta osiltike,li teʼtikal tsʼiʼetike xchiʼuk li avestrusetike,yuʼun chkakʼ ayanuk voʼ ta takixokol balumil,chkakʼ ayanuk ukʼumetik ta takixokol balumil+sventa xuchʼ li jteklumale, li buchʼu jtʼujoje,+
21 li jteklum ti la jpas sventa kuʼun jtukyoʼ skʼupil kʼoptaune.+
22 Pe li voʼote, Jakob, muʼyuk ataojun ta kʼoponel,+yuʼun lalub xa ta jtojolal, Israel.+
23 Muʼyuk avikʼojbun tal chijetik sventa xavakʼ li skotlej chikʼbil matanalexchiʼuk muʼyuk chakʼupil kʼoptaun ta milbil matanaletik.
Muʼyuk jsujojot sventa xavichʼbun talel junuk matanal,muʼyuk jlubtsanojot sventa xavakʼbun ta persa sakil pom.*+
24 Muʼyuk la amanbun ta atakʼin valeʼ ti xmuet yikʼexchiʼuk muʼyuk jun koʼonton yuʼun li xepuʼal milbil matanal chavakʼe.+
Yuʼun kʼajomal noʼox avakʼoj jkuch li amultakexchiʼuk lilub avuʼun ta skoj li apaltailtake.*+
25 Voʼon noʼox ta jtupʼ amultak*+ ta skoj li jbie+xchiʼuk muʼyuk xa ta jvules ta jol li apaltailtake.*+
26 Laʼ jchapan li jkʼoptike, vulesbun ta jol;alo talel kʼusi kʼot ta pasel sventa xavakʼ ta ilel ti oy arasone.
27 La saʼ smul li baʼyel amoltotexchiʼuk la stoy sbaik ta jtojolal li jkʼopojeletik* avuʼune.+
28 Jaʼ yuʼun, ta jsokesbe skʼoplal li bankilaletik ti te oyik ta temploe;chkakʼ ti akʼo xichʼ lajesel li Jakobexchiʼuk chkakʼ ti akʼo xichʼ chopol kʼoptael li Israele.+
Tsʼibetik ta yok vun
^ O «smukiot; sbutʼiot».
^ O «koketik; buchʼu makal xchikinik».
^ Jaʼ van skʼoplal li kʼusitik baʼyel chkʼot ta pasel ta jelavele.
^ O «chapat avoʼontonik».
^ O «li achopoliltake».
^ O «atoyobbailtak».
^ O «li achopoliltake».
^ Jaʼ van skʼoplal li jchanubtasvanejetik ta Mantale.
