Eklesiastes 1:1-18
1 Li kʼusitik chal li jtsobvanej*+ ti jaʼ xnichʼon David xchiʼuk ti jaʼ ajvalil ta Jerusalene.+
2 Xi chal li jtsobvaneje: «¡Muʼyuk sbalil!¡Muʼyuk sbalil! ¡Muʼyuk sbalil skotol!».+
3 ¿Kʼusi tsta li jun krixchano ti tsots ch-abtejta tsatsal abtelal liʼ ta balumile?*+
4 Chtal jkʼol kuxlejal, chbat jkʼol kuxlejal,pe li balumile te oy-o* sbatel osil.+
5 Chlokʼ tal* xchiʼuk ch-och batel li kʼakʼale,vaʼun anil xa chbat* ti bu chlokʼ tal yan veltae.+
6 Li ikʼe chbat ta sur, vaʼun chjoyibaj batel sventa chbat ta norte;jech-o chjoyibaj batel; te noʼox xjoyibaj-o li ikʼe.
7 Skotol li ukʼumetike* chbein batel ta nab; akʼo mi jech, muʼyuk chnoj li nabe.+
Sventa chbein yan velta li ukʼumetike, tsutik batel ti bu chlikik tale.+
8 Chakʼ lubel skotol li kʼusitike;muʼyuk buchʼu xuʼ xalbe skʼoplal skotol.
Li sbekʼ jsatike mu x-echʼ xaʼi ta skʼelel kʼusitik;li jchikintike mi jaʼuk x-echʼ xaʼi ta xchikintael.
9 Li kʼusi oye jaʼ li kʼusi te oy-oexchiʼuk li kʼusi pasbil xae jaʼ li kʼusi chichʼ pasel yan veltae;muʼyuk yan kʼusi achʼ liʼ ta balumile.*+
10 ¿Mi oy van buchʼu xuʼ xi xalbe skʼoplal jtosuk kʼusie: «Kʼelavil liʼe: achʼ to»?
Oy xa onoʼox ta voʼne;te xa onoʼox oy kʼalal chʼabalutik toʼoxe.
11 Muʼyuk xa buchʼu chvul ta sjol li krixchanoetik ta voʼnee;jech xtok, muʼyuk xa buchʼu chvul ta sjol li buchʼutik chtal ta tsʼakale;mi jaʼuk chtaatik ta naʼel yuʼun li buchʼutik chtalik ta mas tsʼakale.+
12 Voʼon li jtsobvanejune li-och ta ajvalil yuʼun Israel li ta Jerusalene.+
13 Laj kakʼ ta koʼonton xchanel xchiʼuk skʼelbel skʼoplal ta jpʼijil+ skotol li kʼusitik pasbil liʼ ta balumile.+ La jsabe skʼoplal li kʼusi akʼbil spasik yuʼun Dios li krixchanoetike. Li kʼusitik tspasik ti jaʼ batem-o yoʼontonike jaʼ tsvul-o yoʼontonik.
14 Laj kil skotol li kʼusitik chichʼ pasel liʼ ta balumile,*pe laj kakʼ venta ti muʼyuk sbalil skotole, xkoʼolaj kʼuchaʼal ta jnutstik ikʼ.+
15 Mu xa stakʼ tukʼibtasel li kʼusi xotxotexchiʼuk mu stakʼ chapel li kʼusi chʼayeme.
16 Vaʼun, xi laj kal ta koʼontone: «Jtaoj ep jpʼijil, jaʼ xkom to li buchʼutik echʼik xa kuʼun ta Jerusalene,+ la sta ep spʼijil xchiʼuk yojtikinobil li koʼontone».+
17 Laj kakʼ ta koʼonton yojtikinel kʼu yelan li pʼijilale, ti kʼu yelan li chuvajile xchiʼuk ti kʼu yelan li bolile,+ vaʼun te laj kakʼ venta xtok ti xkoʼolaj kʼuchaʼal ta jnutstik ikʼe.
18 Yuʼun ch-epaj vul oʼonton mi epaj li pʼijilale,jaʼ yuʼun buchʼuuk noʼox ti ch-epaj yojtikinobil yuʼune ch-epaj li kʼusi kʼux chaʼie.+
Tsʼibetik ta yok vun
^ O «jnitvanej».
^ Literal «ta yolon kʼakʼale».
^ Literal «te vaʼal-o».
^ O «Chojobaj».
^ O «xlejlun tsut batel».
^ O «ukʼumetik ta yorail siktike; ukʼumetik ti chtakij noʼoxe».
^ Literal «ta yolon kʼakʼale».
^ Literal «ta yolon kʼakʼale».
