SJAKʼOBIL 18
¿Kʼuxi xuʼ xanopaj ta stojolal li Diose?
«Voʼot ti chachikinta orasione, buchʼuuk noʼox krixchanoal chtal ta atojolal».
«Ta sjunul avoʼonton pato avoʼonton ta stojolal Jeova xchiʼuk mu xapat-o avoʼonton ti oy kʼusi xavaʼibe smelolale. Tsako ta venta ta skotol li kʼusitik chapase, vaʼun jaʼ tstukʼibtas batel li abe bu chabate».
«Jaʼ skʼoplal kuxlejal sbatel osil liʼe: ti ta xojtikinikote, li jun noʼox melel Diosote xchiʼuk ti chojtikinik ek li buchʼu la atak tale, li Jesukristoe».
«Muʼyuk onoʼox bu nom oy ta jtojolaltik ta jujuntal [li Diose]».
«Liʼe jaʼ li kʼusi yakal ta jkʼan-o ta j-orasione: ti epajuk batel mas li kʼanelal avuʼunike, li yojtikinel leke xchiʼuk ti xatojobikuk lek ta yaʼibel smelolale».
«Mi oy junuk avuʼunik ti skʼan to spʼijile, akʼo skʼanilanbe Dios, yuʼun tskʼupin yakʼel xchiʼuk muʼyuk bu ch-ilin, vaʼun ch-akʼbat li buchʼu tskʼane».
«Nopajanik ta stojolal Dios, jech chnopaj tal ta atojolalik ek. Poko akʼobik jpasmuliletik xchiʼuk sakubtaso avoʼontonik voʼoxuk ti mu xnop lek avuʼunik li kʼusi chapasike».
«Liʼe jaʼ smelolal ti jkʼanojtik li Diose: ti jchʼunbetik li smantaltake; mu toj tsotsuk ta chʼunbel li smantaltake».
