Kʼelo li kʼusi yichʼoje

Batan ta saʼobil

 MANTAL TA SLIKEBALTIK PAJINA: ¿MI OY SBALIL LI SPASEL ORASIONE?

¿Kʼu yuʼun tspasik orasion li krixchanoetike?

¿Kʼu yuʼun tspasik orasion li krixchanoetike?

«Jaʼ toʼox batem ta koʼonton li tajimole xchiʼuk ta jpas orasion sventa jpas kanal epal takʼin. Pe muʼyuk onoʼox bu la jpas kanal.» (Samuel, * likem ta Kenia)

«Li ta eskuelae jaʼ noʼox ta jkomes ta jolkutik junantik orasion sventa chkalilankutik.» (Teresa, likem ta Filipinas)

«Kʼalal oy jvokole ta jpas orasion. Jech xtok ta jkʼan ta j-orasion ti jaʼukun lekil yajtsʼaklom Kristoe xchiʼuk ta jkʼan perton sventa jmul.» (Magdalene, likem ta Ghana)

Li kʼusi laj yalik li Samuel, Teresa xchiʼuk Magdalene chakʼ iluk ti ep ta tos kʼusi tskʼan ta s-orasionik li krixchanoetike, li jlome lek kʼusi tskʼanik, pe li yantike mu toj lekuk. Oy jlom li buchʼutik tspasik orasione chlokʼ ta yoʼontonik li kʼusi chalike; pe li jlome muʼyuk, jech noʼox tspasik. Pe mu ventauk li kʼusi tskʼanike, ta smiyonal xa noʼox krixchanoetik oy ta yoʼontonik tspasik orasion, jech kʼuchaʼal ta sventa ti lekuk xlokʼ s-eksamenike, ti spas kanal li skʼupil ekipoike, ti muʼyukuk kʼusi snuptan yutsʼ yalalike o yan kʼusitik. Jech xtok, kʼalal laj yichʼ jakʼbel sloʼil jlom krixchanoetike, te vinaj ti tspasik orasion ek li buchʼutik chʼabal srelijionike.

Li voʼote, ¿mi chapas orasion ek? Mi chapase, ¿kʼusitik chakʼan? Akʼo mi nopem xavaʼi spasel orasion o mi muʼyuk, pe xuʼ van xi chanope: ¿Mi oy van sbalil ti ta jpas orasione xchiʼuk mi oy van buchʼu chchikinta? Oy jun jtsʼibajom ti laj yal ti spasel orasione jaʼ noʼox la «jtos terapia [...;] ti xkoʼolaj la ti oy jkotuk kuni choytik ti ta jchiʼintik ta loʼile». Oy junantik doktoretik ti jech tsnopik eke, chalik ti xkoʼolaj la kʼuchaʼal jtos poxil li spasel orasione. ¿Kʼusi chanop li voʼote? Kʼalal tspasik orasion li krixchanoetike, ¿mi jaʼ noʼox van ti jech nopem xaʼiike o mi jaʼ van sventa junuk yoʼonton xaʼi-o sbaik?

Pe jelel kʼusi chal li Vivliae. Chal ti oy buchʼu chchikinta li j-orasiontik mi lek xchiʼuk mi ta smelolal noʼox li kʼusi ta jkʼantike, ti maʼuk noʼox sventa junuk koʼonton xkaʼi-o jbatike. ¿Mi melel van taje? Jkʼeltik batel jayibuk sprevailtak.

^ par. 3 Jelbil li jlom biiletike.