Kʼelo li kʼusi yichʼoje

Batan ta saʼobil

Kʼusitik chichʼ jakʼel ta sventa Vivlia

Kʼusitik chichʼ jakʼel ta sventa Vivlia

¿Mi stakʼ van xkaʼibetik smelolal li Vivliae?

Li Vivliae jaʼ Skʼop Dios. Xkoʼolaj kʼuchaʼal skarta jun jkʼanvanej totil (2 Timoteo 3:16). Li Diose te chalbutik ta Vivlia kʼuxi xuʼ jlekubtasbetik yoʼonton, kʼu yuʼun yakʼoj to oyuk choplejal xchiʼuk li kʼusi tspas ta stojolal krixchanoetik ta jelavele. Pe mu jechuk chchanubtasvanik ti kʼuyelan chal Vivlia li jchanubtasvanejetik ta relijione, jaʼ yuʼun epal krixchanoetike tsnopik ti mu xaʼibeik smelolal li kʼusi chale (Hechos 20:29, 30).

Li Jeova Diose tskʼan akʼo jchantik li kʼusi melel ta stojolale. Jaʼ yuʼun, yakʼojbutik jlik livro ti xkaʼibetik smelolale. (Kʼelo 1 Timoteo 2:3, 4.)

¿Kʼuxi xuʼ xavaʼibe smelolal li Vivliae?

Maʼuk noʼox yakʼojbutik Vivlia li Jeovae, yuʼun yakʼojbutik yan koltael xtok sventa xkaʼibetik smelolal. La stak talel Jesús sventa xchanubtasutik (Lucas 4:16-21). Kʼalal la skolta ta yaʼibel smelolal Skʼop Dios krixchanoetik li Jesuse la stunes epal loʼiletik ta Vivlia. (Kʼelo Lucas 24:27, 32, 45.)

Li Jesuse la slikes li stsobobbail yajtsʼaklomtak sventa jaʼ spasik-o batel li abtelal la slikese (Mateo 28:19, 20). Li avie, tskoltaik krixchanoetik sventa xaʼibeik smelolal kʼusi chchanubtasvan Vivlia ta sventa Dios li yajtsʼaklomtak Cristoe. Mi chakʼan chavaʼibe smelolal li kʼusi chchanubtasvan li Vivliae, xuʼ xavalbe stestigotak Jeova ti oy ta yoʼonton tskoltaoxuke. (Kʼelo Hechos 8:30, 31.)