LI JKʼEL OSIL TA TOYOLE (SVENTA CHICHʼ CHANEL) Oktuvre ta 2016

Li xchanobiltak liʼe chichʼ chanel ta 28 yuʼun noviembre kʼalal ta 25 yuʼun disiembre ta 2016.

SLOʼIL XKUXLEJAL

Kakʼojbe yipal ta xchanbel li slekil talelal ermanoetike

Kʼalal ta jtijbetik yoʼonton li yantike jaʼ chkoltaatik sventa xakʼbeik yipal mantal xchiʼuk ti staik li kʼusi oy ta yoʼontonike. Li Thomas McLaine chalbutik kʼuxi koltaat yuʼun yantik xchiʼuk ti kʼuxi yakʼojbe yipal ta skoltael li yantik eke.

Jkʼuxubintik me li jyanlumetike

¿Kʼu yelan chil Jeova li jyanlumetike? ¿Kʼusi xuʼ jpastik sventa mu chopoluk xaʼi sbaik li jyanlumetik ta jtsobobbailtike?

Makʼlino me lek aba ta mantal mi chatun ta yan kʼope

Li kʼusi skʼan masuk tsots skʼoplal xkiltik li yajtunelutik Jeovae, jaʼ ti lekuk oyutik ta mantal xchiʼuk li kutsʼ kalaltike. Mi chatun ta jun tsobobbail ta yan kʼope oy to yan kʼusitik tsots chanuptan.

¿Mi yakal chasaʼ li «lekil pʼijilale»?

Li lekil pʼijilale mu xkoʼolaj xchiʼuk li yojtikinobile xchiʼuk ti oy kʼusi xkaʼibetik smelolale, ¿kʼuxi ti mu xkoʼolaje? Toj tunel me kuʼuntik mi laj kaʼibetik stakʼobile.

Jpʼeluk me ta koʼonton jchʼuntik ti chkʼot ta pasel li kʼusi jmalaojtike

Ep buchʼutik xuʼ jchanbetik xchʼunel yoʼontonik ta voʼne xchiʼuk li ta jkʼakʼaliltike. ¿Kʼusi xuʼ jpastik sventa tsotsuk-o li xchʼunel koʼontontike?

Kakʼ ta ilel ti jchʼunojtik lek ti chkʼot ta pasel yuʼun Jeova li kʼusi yaloje

¿Kʼusi jaʼ li xchʼunel oʼontonale? Li kʼusi mas tsots skʼoplale, ¿kʼu yelan chkakʼtik ta ilel?

¿Mi anaʼoj xa?

Li ta skʼakʼalil Vivliae, ¿mi melel onoʼox ti oy buchʼu tstsʼun chopol tsʼiʼlel ta yosil yan krixchanoe?