Kʼelo li kʼusi yichʼoje

Batan ta saʼobil

¿Kʼusi matanal xuʼ xkakʼbetik li Jeovae?

¿Kʼusi matanal xuʼ xkakʼbetik li Jeovae?

JUN veltae, xi laj yal li Jesuse: «Jaʼ mas xmuyubaj li buchʼu chakʼe, jaʼ mu sta li buchʼu chichʼe» (Ech. 20:35). Taje chkʼot ta pasel kʼalal lek xkil jbatik xchiʼuk Jeovae. ¿Kʼu yuʼun ti jech chkaltik taje? Li Jeovae ep kʼusi yakʼojbutik sventa xijmuyubaj-o, pe mas to chijmuyubaj kʼalal voʼotik oy kʼusi ta xkakʼbetik ta smotone. ¿Kʼusi xuʼ xkakʼbetik? Xi chal li Proverbios 3:9: «Ichʼo ta mucʼ Mucʼul Dios ta sventa li cʼusitic oy avuʼune». Kʼalal «li cʼusitic oy avuʼune» xie, te smakojbe skʼoplal jkʼakʼaltik, li kʼusi xijtojob spasele, kipaltik xchiʼuk li kʼusitik x-ayan kuʼuntike. Kʼalal ta jtunestik li kʼusi oy kuʼuntik sventa xkichʼtik-o ta mukʼ li Jeovae, yakal ta xkakʼbetik smoton, taje chijmuyubaj-o yuʼun.

Sventa mu xchʼay xkaʼitike, ¿kʼusi van tskoltautik sventa xkakʼbetik Jeova li kʼusi oy kuʼuntike? Li jtakbol Pabloe laj yalbe li ermanoetik ta Korinto ti akʼo xchʼakik jlomuk li kʼusi oy yuʼunik sventa xakʼik ta matanale (1 Kor. 16:2). Mi chakʼan to chanabe mas skʼoplal sventa kʼuxi xuʼ xavakʼ matanal takʼin ti bu nakalote, kʼelo li rekuadro ta olone.

Ta junantik lume mu stakʼ xakʼik matanal takʼin ta Internet. Jech oxal, li pajina donate.jw.org te chakʼ ta ilel jaytosuk kʼuxi xuʼ xkakʼtik li matanal takʼine. Ta junantik lumetike oy jlik vun ti jaʼ te tstakʼ li kʼusitik chichʼ jakʼel ta sventa li matanal takʼine.