Kʼelo li kʼusi yichʼoje

Batan ta saʼobil

¿Kʼusi chal li vivliae?

¿Kʼusi chal li vivliae?

¿Kʼusi chkʼot ta jtojolaltik kʼalal chijchame?

JLOM KRIXCHANOETIKE TSNOPIK ti oy to bu kuxul chijkome, pe li yantik xtoke tsnopik ti jaʼ te chlaj-o jkʼoplaltike. ¿Kʼusi chanop li voʼote?

LI KʼUSI CHAL LI VIVLIAE

«Li bochʼotic chamenic xae mu xa cʼusi snaʼic o» (Eclesiastés 9:5). Jaʼ yuʼun tenoʼox chlaj jkʼoplaltik kʼalal mi lijchame.

¿KʼUSI TO MAS CHAL LI VIVLIAE?

  • Li baʼyel vinik ti Adan sbie pas ta lum yan velta kʼalal chame (Génesis 2:7; 3:19). Jaʼ yuʼun, skotol li buchʼutik chchame ta spasik ta lum ek (Eclesiastés 3:19, 20).

  • Kʼalal ta xcham li jun krixchanoe, tupʼbil xa smul chkom yuʼun li Diose (Romanos 6:7). Jaʼ yuʼun, muʼyuk chichʼik akʼbel kastigo mi chamik xaʼoxe.

¿Mi xuʼ van xchaʼkuxiik li buchʼutik chamemike?

¿MI TA VAN XAVAL?

  • Tana

  • Moʼoj

  • Yikʼaluk van

LI KʼUSI CHAL LI VIVLIAE

‹Oy chaʼkuxesel› (Echos 24:15).

¿KʼUSI TO MAS CHAL LI VIVLIAE?

  • Li Vivliae tskoʼoltas kʼuchaʼal chijvay kʼalal chijchame (Juan 11:11-14). Li Diose xuʼ tstij o tsjulaves li buchʼutik chamemike, jech kʼu chaʼal xuʼ jtijtik li buchʼutik chvayike (Job 14:13-15).

  • Li ta Vivliae chal jayibuk chaʼkuxeseletik ti jaʼ chakʼ jchʼuntik ti xuʼ xchaʼkuxiik li buchʼutik chamemike (1 Reyes 17:17-24; Lukas 7:11-17; Juan 11:39-44).