Kʼelo li kʼusi yichʼoje

Batan ta saʼobil

Jvokʼ xchanobil 9

Jvokʼ xchanobil 9

Li ta jvokʼ xchanobil liʼe ta jchanbetik skʼoplal kʼoxetik, j-alkʼopetik xchiʼuk ajvaliletik ti laj yakʼ ta ilel xchʼunel yoʼontonik ta stojolal li Jeovae. Li ta lum Siriae, oy jun j-israelal kʼox tseb ti laj yakʼ ta ilel xchʼunel yoʼonton ta stojolal jun yaj-alkʼop Jeova kʼalal la spat yoʼonton ti xuʼ xpoxtaj yuʼun li Naamane. Li j-alkʼop Eliseoe la spat yoʼonton ta stojolal Jeova ti xuʼ xchabiat ta stojolal li yajkontratake. Li mero bankilal pale Jeoiadae mu ventauk laj yaʼi mi xmilat, yuʼun la spoj li kʼox Jeoas sventa mu xlaj ta ilbajinel yuʼun li syaya ti Atalia sbie, yuʼun toj chopol tajek. Li ajvalil Esekiase la spat yoʼonton ta stojolal Jeova ti jaʼ noʼox xuʼ spoj li Jerusalene, jech xtok muʼyuk laj yakʼ sba ta skʼob li soltaroetik ta Asiriae. Li ajvalil Josiase la slajesbe skʼoplal li yichʼel ta  mukʼ jecheʼ diosetik li ta sjunul jteklume, jech xtok la xchaʼmeltsan li temploe xchiʼuk la skolta li krixchanoetik yoʼ xichʼik ta mukʼ yan velta li Jeovae.

Ta jvokʼ liʼe

XCHANOBIL 51

Li bankilal soltaro xchiʼuk li kʼox tsebe

Li uni j-israelal tsebe laj yalbe smeʼ ajval ta sventa li sjuʼel Jeovae. Ta skoj taje vinaj jun skʼelobil juʼelal.

XCHANOBIL 52

Li yajsoltarotak Jeova ti tsanajtik skʼakʼale

¿Kʼuxi laj yakʼ venta yajtunel Eliseo ti jaʼ ep li yajsoltarotak Jeova ti jaʼ jutebik li yajkontraike?

XCHANOBIL 53

Mu snaʼ xiʼ li Jeoiadae

Jun tukʼil bankilal pale laj yakʼbe stoj smul li meʼ chopol ajvalile.

XCHANOBIL 54

Li Jeovae oy smalael yuʼun ta stojolal li Jonase

¿Kʼu yuʼun yichʼ bikʼel ta jkot mukʼta choy li yaj-alkʼop Jeovae? ¿Kʼuxi ti kuxul kome? ¿Kʼusitik laj yakʼbe xchan Jonas li Jeovae?

XCHANOBIL 55

Li yaj-anjel Jeovae la xchabi li Esekiase

Li yajkontratak Judae laj yalik ti muʼyuk la ta spoj steklumal li Jeovae, pe mu jechuk kʼot ta pasel.

XCHANOBIL 56

La xchʼunbe Smantal Jeova li Josiase

Vaxakib jabil yichʼoj Josias kʼalal och ta ajvalile xchiʼuk la skolta li krixchanoetik yoʼ xichʼik ta mukʼ yan velta li Jeovae.