Kʼelo li kʼusi yichʼoje

Batan ta saʼobil

 XCHANOBIL 7

Li tayal kʼelob osil ta Babele

Li tayal kʼelob osil ta Babele

Kʼalal echʼem xa ox li nojelal ta voʼe. Li skeremtak Noee laj yil ep yalab xnichʼnabik. Kʼalal epajik xa ox li yutsʼ yalalike, batik ta naklej ta jeltos lumetik. Jech kʼuchaʼal albatik yuʼun li Jeovae.

Pe oy junantik utsʼ alaliletike muʼyuk la xchʼunbeik smantal li Jeovae yuʼun kʼajomal xi laj yalike: «Jlikestik spasel jun mukʼta lum xchiʼuk jun tayal kʼelob osil, akʼo kʼotuk kuʼuntik kʼalal to ta vinajel. Mi jech ta jpastike, lek chkichʼtik-o ojtikinel».

 Pe li Jeovae muʼyuk bu lek laj yil li kʼusi yakal tspasik li krixchanoetike. Jaʼ yuʼun la spajes li abtelale. ¿Kʼuxi van la spas? Laj yakʼ ti akʼo kʼopojikuk ta ep ta chop kʼopetike. Ta skoj ti muʼyuk xa xaʼibe sba skʼopike, jech la xkechanik svaʼanel li tayal kʼelob osile. Jaʼ yuʼun li jteklum taje, Babel laj yakʼbeik sbi ti jaʼ smelolal: «Mu xaʼibe sba skʼopik». Jech te lik batikuk ta naklej ta jeltos lumetik. Pe jech-o chopol tajek kʼusi la spasik ti bu nakiik ta jujuntale. ¿Mi oy to van buchʼu la xchʼunbe smantal li Jeovae? Jaʼ ta jkʼeltik li ta yan xchanobile.

«Li buchʼu xtoyet xa chaʼi sbae chichʼ bikʼtajesbel skʼoplal, yan li buchʼu bikʼit chakʼ sbae chichʼ toybel skʼoplal» (Lukas 18:14).