Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Xchanobiltak ti xuʼ jtatik ta Vivliae

 XCHANOBIL 4

La smil yitsʼin ta skoj skapemal sjol

La smil yitsʼin ta skoj skapemal sjol

Kʼalal lokʼemik xa ox ta nichimaltik Eden li Adan xchiʼuk Evae, laj yil yalab xnichʼnabik. Li sba skeremike Kain sbi, jaʼ yabtel stsʼunel itajetik xchiʼuk sat teʼetik. Li xchibal skeremike Abel sbi, li stuke jaʼ yabtel jkʼel chij.

Jun velta li Kain xchiʼuk Abele, laj yakʼbeik smoton li Jeovae. ¿Mi xanaʼ kʼusi jaʼ li jun matanal taje? Jaʼ jun matanal ti toj tsots skʼoplal ti jaʼ noʼox chichʼ akʼbel li Jeovae. Pe jaʼ lek laj yilbe li matanal laj yakʼ Abele, jaʼ muʼyuk lek laj yil li matanal laj yakʼ Kaine. Jaʼ yuʼun li Kaine ilin tajek. Vaʼun albat yuʼun Jeova ti mi te ilinem-oe, xuʼ oy kʼusi chopol spas. Pe muʼyuk la xchʼun li kʼusi albate.

Jaʼ yuʼun li Kaine xi laj yalbe li yitsʼine: «Batik ta paxyal ta osiltik». Kʼalal te xa ox oyike la stsak li yitsʼine vaʼun la  smil. ¿Kʼusi van la spas li Jeovae? Laj yakʼbe kastigo li Kaine, yuʼun la stakʼ batel ta namal balumil xchiʼuk albat ti muʼyuk xa bu tsut skʼel li yutsʼ yalale.

¿Kʼusi chakʼ jchantik taje? Kʼalaluk mu lekuk chbat kuʼuntik li kʼusitik ta jpastike xuʼ van xij-ilin. Pe mi chkakʼtik venta ti chij-iline o mi oy buchʼu chalbutik ti yakal xa chkap joltike, skʼan me xlekub noʼox koʼontontik ta anil sventa mu spasutik ta kanal li skapemal joltike, yuʼun mi la spasutik ta kanale, toj me chopol.

Li Abele lek la spas sba, pe jaʼ ta skoj ti skʼanoj tajek li Jeovae, jaʼ yuʼun li Jeovae muʼyuk ta xchʼay ta sjol li Abel xchiʼuk ta xchaʼkuxes kʼalal mi la spas ta paraisoe spʼejel li balumile.

«Baʼyel bat lajesbo yoʼonton li avermanoe, vaʼun sutan talel sventa chavakʼ li matanale» (Mateo 5:24).