Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Xchanobiltak ti xuʼ jtatik ta Vivliae

Jvokʼ xchanobil 11

Jvokʼ xchanobil 11

Li ta jvokʼ xchanobil liʼe ta jchanbetik batel skʼoplal ta sventa li Tsʼibetik ta Griego Kʼop ti chalbe skʼoplal Kristoe, ta jkʼeltik ti te vokʼ Jesus ta jun utsʼ alalil ti muʼyuk lek stakʼinike, te nakiik ta jun jteklum xchiʼuk la xchiʼin ta abtel ta karpinteroal li stote. Li Jesuse jaʼ jpojvanej chkʼot ta stojolal li krixchanoetike, jaʼ li buchʼu stʼujoj Jeova yoʼ xkʼot ta Ajvalil li ta Ajvalilal ta vinajele. Mi oy avalab anichʼnabe koltao ta yaʼibel smelolal ti Jeovae la stʼuj jun lekil utsʼ alalil yoʼ xkʼotik ta stot smeʼ Jesus xchiʼuk sventa lekuk tsʼitesike. Xchiʼuk albo kʼu yelan chabiat yuʼun Jeova li Jesus kʼalal chichʼ xa ox milel yuʼun li Erodese. Akʼbeik snaʼik xtok ti persa chkʼot ta pasel yuʼun Jeova li kʼusitik yaloj tspase akʼo mi oy kʼusitik chmakvan. Jech xtok, chanubtasik ti jaʼ laj  yichʼ tʼujel yuʼun Jeova li Juan sventa xchapanbe sbe li Jesuse. Yuʼun li Jesuse ta sbikʼtal onoʼox laj yakʼ ta ilel ti lek chilbe li spʼijil Jeovae xchiʼuk ti jaʼ spatoj yoʼonton ta stojolale.

Ta jvokʼ liʼe

XCHANOBIL 68

Vokʼ jun skerem li Elisabete

¿Kʼuchaʼal pas ta umaʼ li Sakariase?

XCHANOBIL 69

Chichʼ vulaʼanel yuʼun anjel Gabriel li Mariae

Li Maria albat jun aʼyej ti jelbat-o li xkuxlejale.

XCHANOBIL 70

Chalbeik skʼoplal svokʼel Jesus li anjeletike

Kʼalal laj yaʼiik jkʼelchijetik ti vokʼ xa li Jesuse bat skʼelik ta anil.

XCHANOBIL 71

La xchabi Jesus li Jeovae

Jun chopol ajvalil tskʼan ox tsmil li neneʼ Jesuse.

XCHANOBIL 72

Li kerem Jesuse

Ti kʼu yelan takʼav li Jesuse, ¿kʼu yuʼun chʼayal to kʼot yoʼontonik li jchanubtasvanejetik ta temploe?

XCHANOBIL 73

La xchapanbe sbe Jesus li Juane

Li j-alkʼop Juane laj yalbe skʼoplal li svuleb Mesiase. ¿Kʼusi la spas li krixchanoetik kʼalal laj yaʼiik taje?