Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Jlivro ti chal loʼiletik ta Vivliae

 LOʼIL 115

Jun achʼ paraiso ta Balumil

Jun achʼ paraiso ta Balumil

KʼELAVIL li mukʼta teʼetike, li alakʼ sba nichimetike xchiʼuk li mukʼta vitsetike. ¿Mi mu jechuk ti alakʼ sbae? Kʼelavil, li teʼtikal chije yakal chveʼ ta skʼob li uni kereme. Kʼelavil noxtok li leonetike xchiʼuk li kaʼetik te kotajtik ta yaxaltike. ¿Mi cha kʼan junuk ana ta jun lum kʼuchaʼal liʼe?

Li Diose tskʼan cha naki ta sbatel osil ta paraiso li ta Balumile. Jech noxtok tskʼan ti muʼyuk xa kʼusi kʼux cha vaʼi kʼuchaʼal kʼux ta xaʼi li krixchanoetik tanae. Li Vivliae ta xal ta melel ta sventa li krixchanoetik ti chnakiik ta achʼ paraisoe. Li Diose te ta xchiʼinan. Muʼyuk xa buchʼu chcham, muʼyuk xa buchʼu ch-okʼ xchiʼuk chʼabal xa buchʼu kʼusi kʼux chaʼi. Li kʼusitik oy toʼoxe chlaj skʼoplal.

Li Jesuse jaʼ oy ta sba tskʼatajes ta lekilal li Balumile. ¿Mi xa naʼ kʼusi ora ta skʼatajes? Jech, jaʼo kʼalal mi la jyakʼbe slajeb skotol li choplejal ta Balumile xchiʼuk ti kʼalal mi la jyakʼbe slajeb skotol li chopol krixchanoetike. Vuleso ta ajol, ti kʼalal liʼ toʼox oy ta Balumil li Jesuse la xpoxtabe skotol xchamel krixchanoetik xchiʼuk la xchaʼkuxes jayvoʼ animaetik. Jaʼ jech la jyakʼ ta ilel ti jech ta spas ta spʼejel Balumil ti kʼalal tspas mantal ta ajvalilal yuʼun Diose.

¡Nopo noʼox avaʼi ti kʼu to noʼox yutsil li achʼ paraisoe! Li Jesús xchiʼuk li jayvoʼ buchʼutik la stʼuje, ta x-ajvalilajik ta vinajel. Jaʼ tskʼelik xchiʼuk oy ta sbaik ti akʼo muyubajikuk skotol li krixchanoetik ta balumile. Jkʼeltikik kʼusi skʼan jpastik sventa xakʼbutik jkuxlejaltik sbatel osil ta achʼ paraiso li Diose.