Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Voʼote xuʼ cha vamikoin ti Diose

 XCHANOBIL 18

Pas aba ta yamiko Dios Ta sbatel osil

Pas aba ta yamiko Dios Ta sbatel osil

Tsots ta tael jun amiko pe kʼun ta chʼayel. Dios chakʼbot ep lekilal mi cha vakʼ avip sventa cha pas aba ta yamiko xchiʼuk ti mu xa chʼay li amikoinel avuʼun xchiʼuke. Jesus la yalbe ti buchʼu xchʼunojik ta stojole: “Ta xa spojoxuk lokʼel ta mosovil ti melele” (Juan 8:32Ch). ¿Kʼusi skʼan la yal?

Xuʼ cha kʼupin akolebal tana liʼe. Xuʼ cha kol lokʼel li ta jecheʼ chanubtaseletik xchiʼuk li loʼlael spukesoj Satanase. Jech ek, xuʼ cha kol li ta chʼabal pat oʼontonal ti jech kuxulik epal krixchanoetik ti mu xojtikinik Jeovae (Romanos 8:22). Li yamikotak Diose maʼukik mosovil yuʼun “xiʼel [...] ta [...] lajele” (Hebreos 2:14, 15).

Xuʼ cha kʼupin akolebal ta achʼ lum yuʼun Dios. ¡Labal sba li kolebal cha ta ta bakʼin toe! Kʼalal li Balumil jaʼ xa jun paraisoe, chʼabal xa letoetik, chameletik, mi jaʼuk buchʼu mu xchʼunik smantal ajvalile. Chʼabal xa abol bail mi jaʼuk viʼnal. Chkichʼtik kolesel ta molibel xchiʼuk ta lajelal, jech kʼuchaʼal ta xiʼel, li utsʼintael xchiʼuk li kʼusi maʼuk tukʼe. Li Bibliae chal sventa Dios: “Li voʼote cha jam li akʼobe; cha busanbe yalel tal abendision skotol li kʼusitik kuxajtike” (Salmo 145:16).

 Li yamikotak Diose chkuxiik sbatel osil. Li kuxlejal sbatel osile jaʼ jun alakʼ sba matanal ti ta xakʼbe Dios ti buchʼu tskʼan xamikoine (Romanos 6:23). Nopo avaʼi jlikeluk, li kʼusi xuʼ cha pas mi cha kuxi sbatel osile.

Oy skʼakʼalil avuʼun ta spasel ep kʼusitik. Xuʼ van cha kʼan cha chan stijel son, sbonel lokʼob balil xchiʼuk pasel mexa. Xuʼ van cha kʼan cha chan sventa chonetik xchiʼuk teʼetik. Xuʼ van cha kʼan cha xanav xchiʼuk cha vojtikin yantik mukʼtik lumetik xchiʼuk xkrixchanoal. Jaʼ ti oy xa akuxlejal chʼabal spajebe, ¡xuʼ cha pas skotol kʼusitik liʼe!

Oy skʼakʼalil avuʼun ta spasel ep avamikotak. Xuʼ cha vojtikin ep yantik yamikotak ti Diose, yuʼun jaʼ ti cha kuxi sbatel osile. Cha vojtikinbe kʼusi snaʼ spasel xchiʼuk li lek stalelale, xchiʼuk ek cha kʼot ta yamiko. Cha kʼan, xchiʼuk liʼike cha skʼanik ek (1 Corintios 13:8). Xuʼ cha pas ta avamikotak skotol jnaklejetik ta Balumil, yuʼun chʼabal spajeb li akuxlejale. Jaʼ toj lek, xchiʼuk sjelavel epal jabiletik, li yamikoinel avuʼun xchiʼuk Jeovae, ta stsatsub batel. ¡Xuʼ cha vamikoin ta sbatel osil ti Diose!