Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Voʼote xuʼ cha vamikoin ti Diose

 XCHANOBIL 14

Li yamikotak Diose mu spasik li kʼusi chopole

Li yamikotak Diose mu spasik li kʼusi chopole

Satanas tskʼan tsnit li krixchanoetik sventa tspasik li kʼusi chopole. Buchʼu tskʼan xamikoin ti Diose, skʼan ta spʼaj li kʼusi tspʼaj Jeovae (Salmo 97:10). Liʼe jaʼ noʼox junantik li kʼusitik mu stakʼ spasik li yamikotak Diose:

Muliletik ta jun vinik xchiʼuk jun ants. “Mu stakʼ xa loʼla achiʼil ta nupunel.” (Éxodo 20:14, NM.) Lutsʼ bail kʼalal muʼyuk to nupunele jaʼ chopol ek (1 Corintios 6:18).

Yakubel. Li “jyakubeletike [...] [mu] xuʼuninik li sreino Diose” (1 Corintios 6:10, NM).

Milel xchiʼuk mil unen ti muʼyuk to ayaneme (yalesel olol). “Mu xa milvan.” (Éxodo 20:13, Ch.)

Elekʼ. “Mu stakʼ xa elkʼaj.” (Éxodo 20:15, NM.)

Loʼlael. Jeova tspʼaj “bochʼo puru epal kʼop tspase” (Proverbios 6:17).

 Majbail xchiʼuk ilinel muʼyuk spajeb. “Li bochʼo jaʼ noʼox puru utsʼintavanej oy ta yoʼntonike, chopol chil o” Jeova (Salmo 11:5). Jun “yabtel jbekʼtaltike” jaʼ li “sbikʼtal oʼntonal” (Gálatas 5:19, 20).

Tajimol. “Mu xa kap abaik ta xchiʼinel buchʼuuk ti [...] jaʼuk [...] krixchano tsalbil ta saʼel li kʼusi batem ta yoʼontone.” (1 Corintios 5:11, NM.)

Pʼajel ta skoj yan x-elan sbekʼtalik xchiʼuk slumalik. “Kʼuxubino avaj kontraik; kʼopanbeik [pasbeik orasion, NM] Dios ta stojol li bochʼotik cha yutsʼintaoxuke.” (Mateo 5:43, 44.)

Dios chi yalbutik kʼusitik ta jlekilaltik. Bateltike mu kʼunuk ta iktael ta spasel li kʼusitik chopole, pe xchiʼuk li koltael yuʼun Jeova xchiʼuk xRextikotake, voʼote xuʼ xa vikta spasel li kʼusitik mu skʼupin ti Diose (Isaías 48:17; Filipenses 4:13; Hebreos 10:24, 25).