Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Voʼote xuʼ cha vamikoin ti Diose

 XCHANOBIL 5

Li yamikotak Diose chnakiik ta Paraiso

Li yamikotak Diose chnakiik ta Paraiso

Li Paraisoe mu xkoʼolaj kʼuchaʼal balumil li kʼakʼal liʼe. Dios mu bakʼin onoʼox skʼanoj ti nojuk ta kʼop, ta kʼux ip xchiʼuk ta vokolil li balumile. Ta bakʼin toe, Dios tskʼatajes ta jun paraiso li Balumile. ¿Kʼuxi van x-elan taje? Jkʼeltik kʼusi chal li Bibliae.

Lekil krixchanoetik. Li Paraisoe jaʼ tsnainik li yamikotak Diose. Liʼike ta spasik li kʼusitik lek ta jujuntale xchiʼuk jmoj snopbenal chnakiik ta stukʼil mantal ti Jeovae (Proverbios 2:21).

Epal veʼliletik. Muʼyuk buchʼu chviʼnaj li ta Paraisoe. Li Bibliae ta xal: “Akʼo oyuk  ep trigo [veʼlil] liʼ ta banamil” (Salmo 72:16).

Lekil naetik xchiʼuk abteletik. Ta paraiso Balumile, skotolik li utsʼ alaletike oy snaik, xchiʼuk skotolik oy yabtelik ti bu chmuyubajike (Isaías 65:21-23).

 Lekilal ta spʼejel Balumil. Muʼyuk  xa buchʼu ta xletovaj mi jaʼuk buchʼu ta xcham ta leto. Li sKʼop Diose chal: Dios “jaʼ tspajes skotol li pleito [leto, NM]” (Salmo 46:8, 9).

Chʼabal xa chameletik. Li Bibliae ta xal “Mu jbejuk ta na [ta Paraisoe] jech chal: «Toj ipun»” (Isaías 33:24). Chʼabal xa buchʼu koxoetik, maʼsatetik, koketik mi jaʼuk umaʼetik (Isaías 35:5, 6).

Chʼabal xa at-oʼonton, kʼux ip xchiʼuk lajelal. Li sKʼop Diose ta xal: “Jech muʼyuk xa bochʼo chcham, muʼyuk xa bochʼo chat yoʼnton, muʼyuk xa bochʼo ch-okʼ, muʼyuk xa bochʼo kʼusi kʼux chaʼay. Yuʼun ilaj xa skʼoplal skotol ti jech toʼox oy ta baʼyuke” (Apocalipsis 21:4).

Chʼabal xa chopol krixchanoetik. Jeova ta xal: “Yan li bochʼotik chopolike ta xichʼik nutsel lokʼel [li ta Balumile, NM]; li jtoybaetike ta xichʼik bulel lokʼel” (Proverbios 2:22).

Ta skʼan sbaik li krixchanoetike xchiʼuk chichʼ sbaik ta mukʼ ta jujuntal. Chʼabal xa buchʼu tʼujbil chichʼ kʼanel mi utsʼintael mi pichʼetel oʼonton mi jaʼuk pʼajel. Ta jmoj tsobolik li krixchanoetike xchiʼuk jmoj snopbenal chnakiik ta stukʼil mantal ti Diose (Isaías 26:9).