Kʼelo li kʼusi yichʼoje

Batan ta saʼobil

 XCHANOBIL 15

Li yamikotak Diose tspasik li kʼusitik leke

Li yamikotak Diose tspasik li kʼusitik leke

Kʼalal oy jun kamikotik ti lek chkiltik xchiʼuk chkichʼtik ta mukʼe, ta jkʼantik ti jechutik ek kʼuchaʼal stuke. “[Jeova] toj lek, toj tukʼ”, chal li Bibliae (Salmo 25:8). Sventa chkamikointik ti Diose, skʼan tukʼil xchiʼuk lekil krixchanoutik. Li Bibliae chal: “Pasik kʼuxi tspas Diose, kʼuchaʼal kʼanbil nichʼnabiletik, xchiʼuk xanavanik-o ta kʼanel” (Efesios 5:1, 2NM). Liʼe jaʼ noʼox junantik skʼelobil kʼuxi stakʼ jpastik kʼuxi tspas Jeovae.

Koltao li yantike. “Jpastik kʼusi lek ta stojol skotol kristianoetik.” (Gálatas 6:10.)

Skʼan lekil j-abtelot. “Li buchʼu ch-elkʼaje, mu xa me x-elkʼaj. Akʼo abtejuk, akʼo stunes ta spasel lekil abtel li skʼobe.” (Efesios 4:28.)

Sakuk abekʼtal xchiʼuk atalelal. “Jsakubtas jbatik ta skotol yikʼobal bekʼtalil xchiʼuk ti espiritue, jchʼultajes jbatik ta skotol ta xiʼelal yuʼun Dios.” (2 Corintios 7:1, NM.)

 Tukʼulano xchiʼuk kʼano li avutsʼ avalale. “Jaʼ yuʼun viniketik, kʼano me avajnilik [...] jech cha kʼuchaʼal kʼux ta avoʼnton abekʼtal atukike. Jech ek li antsetike, akʼo yichʼ ta mukʼ li smalalike. Alab nichʼnabetik, chʼunbeik smantal atot ameʼik.” (Efesios 5:33-6:1.)

Kʼano li krixchanoetike. “Jkʼanan me jbatik. Yuʼun li kʼanvaneje [kʼanel, NM] jaʼ te likem tal ta stojol Dios.” (1 Juan 4:7.)

Chʼunbo smantal alumal. “Akotolik skʼan cha chʼunbeik smantal li ajvaliletike [...]. Akʼbeik me li kʼustik cha skʼanbeik li buchʼutik oy yabtelike. Li buchʼutik ta skʼanik patane, akʼbeik.” (Romanos 13:1, 7LS [SA].)