Kʼelo li kʼusi yichʼoje

Batan ta saʼobil

 XCHANOBIL 8

¿Buchʼutik jaʼik li skontratak Diose?

¿Buchʼutik jaʼik li skontratak Diose?

Li smukʼta kontra Diose jaʼ Satanas li Yavloe. Liʼe jaʼ jun persona espiritu ti la stoy sba ta stojol Jeova. Satanas chletovaj ta skontra Dios xchiʼuk ta xakʼbe ep svokol li krixchanoetike. Satanas jaʼ toj chopol, jutkʼop xchiʼuk jmilvanej (Juan 8:44).

Yantik espirituetik la stsʼak sbaik ta toybail xchiʼuk Satanas ta skontrainel ti Diose. Li Bibliae tsbiiltas pukujetik. Jech kʼuchaʼal Satanase, li pukujetike ta skontrainik li krixchanoetike. Tskʼupinik ti spasbeik svokol li krixchanoetike (Mateo 9:32, 33; 12:22). Jeova ta slajes li Satanas xchiʼuk li spukujtak ta sbatel osil. Jutuk xa noʼox skʼakʼalil chkom yuʼunik sventa tspasbeik svokol li krixchanoetike (Apocalipsis 12:12).

Mi cha kʼan cha vamikoin ti Diose, mu me xa pas li kʼusi tskʼan Satanase. Satanas xchiʼuk li spukujtake tspʼajik ti Jeovae. Ta skontrainik ti Diose xchiʼuk tskʼanik cha kontrain ek ti Diose. Jech oxal, skʼan cha tʼuj buchʼu cha lekubtasbe yoʼonton: jaʼ Satanase mi jaʼ Jeovae. Mi cha kʼan cha kuxi sbatel osil, skʼan cha pas li kʼusi tskʼan ti Diose. Satanas jelajtik yelan snaʼ sloʼla li krixchanoetike xchiʼuk tstun epal petsʼetik. Jaʼ jech tsloʼlaan epal krixchanoetik (Apocalipsis 12:9).