Kʼelo li kʼusi yichʼoje

Batan ta saʼobil

 XCHANOBIL 9

¿Buchʼutik jaʼik li yamikotak Diose?

¿Buchʼutik jaʼik li yamikotak Diose?

Jesukristoe jaʼ xNichʼon Jeova xchiʼuk jaʼ yamiko buchʼu toj ep skʼanoje. Kʼalal mu toʼox xtal ta Balumil kʼuchaʼal krixchanoe, Jesuse te toʼox kuxul ta vinajel kʼuchaʼal jun tsatsal persona espiritu (Juan 17:5). Ta tsʼakal tal ta Balumil sventa chchanubtas li krixchanoetik li melel ta sventa Diose (Juan 18:37). Xchiʼuk noxtok, la yakʼ li xkuxlejal kʼuchaʼal krixchano sventa tspoj li krixchanoetik jchʼunej mantal, ta mulil xchiʼuk ta lajelal (Romanos 6:23). Tanae, Jesus jaʼ xa Rey ta sReino Dios, jun ajvalil ta vinajel ti ta spas ta jun paraiso li Balumile (Apocalipsis 19:16).

Li anjeletik eke jaʼik yamikotak Dios. Li anjeletike muʼyuk ilik xkuxlejalik kʼuchaʼal krixchanoetik ta Balumil. Dios la spas te ta vinajel kʼalal muʼyuk toʼox spasoj li Balumile (Job 38:4-7). Oy epal anjeletik (Daniel 7:10). Li yamikotak Dios ta vinajel, tskʼanik ti akʼo xchanik li krixchanoetik li melel sventa Jeovae (Apocalipsis 14:6, 7).

Diose oy yamikotak ta Balumil; ta sbiiltas xrextikotak. Jun rextiko ta yeloval j-abteletik ta xal li kʼusi snaʼoj ta jun krixchano. Li xrextikotak Jeova chkʼopojik ta Jeova xchiʼuk li kʼusitik yaloj tspase (Isaías 43:10). Jech kʼuchaʼal li anjeletike, li Rextikoetik tskʼanik tskoltaot sventa xa chan li melel sventa Jeovae. Tskʼanik ek ti xa vamikoin ti Diose.