Kʼelo li kʼusi yichʼoje

Sventa xasut ta xchibal pajina

Stestigotak Jeova

tsotsil

¿Kʼusi skʼan oyuk ta utsʼ alalil sventa oyuk li muyubajele?

¿Kʼusi skʼan oyuk ta utsʼ alalil sventa oyuk li muyubajele?

¿Mi ta van xaval...

  • ... kʼanelal?

  • ... takʼin?

  • ... o yan kʼusitik?

 LI KʼUSI CHAL LI VIVLIAE

«Jaʼ toj xcuxet yoʼntonic ta melel li bochʼotic chaʼyic li scʼop Diose, ti ta xchʼunique.» (Lucas 11:28, Scʼop Dios ta Chenalhó.)

TI KʼUXI TA JTABETIK SBALIL KʼALAL TA JNAʼTIKE

Ta jtatik melel kʼanelal (Efesios 5:28, 29).

Oy lek ichʼbail ta mukʼ (Efesios 5:33).

Jun xa koʼontontik (Marcos 10:6-9).

 ¿MI OY SRASONALTAK SVENTA JCHʼUNTIK TA MELEL LI KʼUSI CHAL VIVLIAE?

Oy, oy chib srasonaltak:

  • Li Diose jaʼ laj yakʼbe slikeb li utsʼ alalile. Li Vivliae chal ti jaʼ la spas utsʼ alalil li Diose (Génesis 2:18-24). Taje jaʼ skʼan xal ti jaʼ koliyal Jeova ti oy li utsʼ alalile. ¿Kʼu yuʼun toj tsots skʼoplal taje?

    Nopo ta sventa liʼe: ti yakaluk chakʼupin jtosuk lekil veʼlile, ¿buchʼu van chajakʼbe kʼusi skaptak laj yakʼbe? Melel onoʼox ti jaʼ chajakʼbe li buchʼu la spase.

    Jaʼ jech ek, mi chakʼan chanaʼ kʼusi skʼan xapas sventa xmuyubaj li avutsʼ avalale, jaʼ me lek ti jaʼ xa jakʼbe li Jeovae, yuʼun jaʼ laj yakʼbe slikeb li utsʼ alalile.

  • Oyutik ta yoʼonton li Diose. Jaʼ mas lek ti xa saʼik xchiʼuk avutsʼ avalal li tojobtaseletik ta Vivlia ti chakʼ Jeovae, yuʼun «tscʼan chascoltaoxuc» (1 Pedro 5:6, 7). Li Jeovae tskʼan ti lekuk xbat li jkuxlejaltike. Yuʼun li tojobtaseletik chakʼbutike jaʼ onoʼox sventa jlekilaltik (Proverbios 3:5, 6; Isaías 48:17, 18).

 JAKʼBO ABA

¿Kʼuxi xuʼ xikʼot ta lekil malalil, ajnilal o totil?

Chatabe stakʼobil ta EFESIOS 5:1, 2 xchiʼuk ta COLOSENSES 3:18-21.