Kʼelo li kʼusi yichʼoje

Batan ta saʼobil

 XCHANOBIL 1

¿Kʼusi li lekil aʼyejetik yakʼoj Diose?

¿Kʼusi li lekil aʼyejetik yakʼoj Diose?

1. ¿Kʼusi jaʼ li aʼyejetik chalbutik Diose?

Li Diose tskʼan ti akʼo skʼupin xkuxlejal li krixchanoetike. Ta skoj ti skʼanoj krixchanoetike la spas li Balumile xchiʼuk li kʼusitik oye. Li Diose poʼot xa tslajes li kʼusitik chakʼ vokolil sventa xuʼ skʼupin xkuxlejalik ta tsʼakal skotol li krixchanoetike. Kʼelo Jeremías 29:11.

Mi junuk ajvalil lajem yuʼun li majbaile, li chameletike mi jaʼuk li lajelale. Pe oy lekil aʼyejetik: li Diose poʼot xa tslajes skotol li ajvalil krixchanoetike, vaʼun tsvaʼan li Ajvalil yuʼune. Li steklumale tskʼupinik lekilal xchiʼuk muʼyuk xa ch-ipajik. Kʼelo Isaías 25:8; 33:24; Daniel 2:44.

2. ¿Kʼu yuʼun toj tsots skʼoplal li aʼyejetike?

Sventa xlaj li vokolil liʼ ta Balumile, li Diose skʼan slajes skotol li chopol krixchanoetike (Sofonías 2:3). ¿Kʼusi ora tspas taje? Yuʼun li Vivliae yaloj xa onoʼox li kʼusitik chakʼbe svokol krixchanoetik avie. Li kʼusitik taje jaʼ senyail ti poʼot xa tslajes vokolil li Diose. Kʼelo 2 Timoteo 3:1-5.

3. ¿Kʼusi skʼan jpastik?

Skʼan jchantik ta sventa Dios, pe yoʼ spas kuʼuntike skʼan jchantik li Vivliae. Li Vivliae xkoʼolaj kʼuchaʼal jlik karta yuʼun jun jkʼanvanej totil ti chakʼbe xnichʼnabtake. Yuʼun chalbutik kʼuxi xuʼ jkʼupin jkuxlejaltik avie xchiʼuk li kʼusi skʼan jpastik sventa jtatik li kuxlejal sbatel osil ta tsʼakale. Ta melel, mu skotolikuk xmuyubajik ti chachan Vivliae. Pe mu me xavakʼ buchʼu xchibajes avoʼonton, yuʼun ta tsʼakale chata epal bendisionetik. Kʼelo Proverbios 29:25; Apocalipsis 14:6, 7.