Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

¿Buchʼutik tspasik li kʼusi tskʼan yoʼonton Jeova avie?

 XCHANOBIL 27

¿Kʼuxi ta tunesel lek li vivlioteka oy ta Salon sventa Tsobobbaile?

¿Kʼuxi ta tunesel lek li vivlioteka oy ta Salon sventa Tsobobbaile?

Israel

República Checa

Benín

Islas Caimán

¿Mi chakʼan chanaʼ mas ta sventa li Vivliae? ¿Mi chakʼan chanabe skʼoplal junuk versikulo, skʼoplal junuk krixchano ta voʼne, junuk lum xchiʼuk jtosuk kʼusi kʼot ta pasel ti chal Vivliae? ¿Mi oy ajakʼojbe aba mi xuʼ skoltaot ta junuk avokol li Skʼop Diose? Mi «tana» o mi «oy» xachi ta junuk sjakʼobile, jaʼ me lek ti xabat li ta vivlioteka ti oy ta Salon sventa Tsobobbaile.

Li ta vivliotekae oy kʼusitik xuʼ xkoltavan ta sventa li kʼusitik chichʼ chanbel skʼoplale. Xuʼ van muʼyuk avuʼun skotol li vunetik lokʼem ta Vivlia ti slokʼesojik li stestigotak Jeova ta akʼope, pe li ta vivlioteka oy ta Salon sventa Tsobobbaile xuʼ te xata jutuk mu skotoluk li vunetik lokʼem ta Vivlia ti mas achʼik toe. Xuʼ van oy te ep ta tos Vivliaetik, junuk lekil diksionario xchiʼuk livroetik ti chchanbeik skʼoplal li kʼusitik chakʼan chanaʼe. Xuʼ xatunes kʼalal skʼan toʼox xlik o mi laj xaʼox li tsobajele. Mi oy junuk komputadora tee xuʼ van oy yuʼun li Watchtower Library, ti bu xuʼ xichʼ tael li kʼusitik lokʼemike xchiʼuk ti ta anil noʼox xuʼ jtatik junuk chanubtasel, jpʼeluk kʼop o junuk versikulo ta Vivliae.

Toj jtunel sventa li Tsobajel Jkuxlejaltik xchiʼuk Kabteltik sventa Dios. Xuʼ me xbat achapan ta vivlioteka li mantal chavetʼese. Li buchʼu sbainoj li Tsobajel Jkuxlejaltik xchiʼuk Kabteltik sventa Dios, jaʼ oy ta sba skʼelel ti oyuk li vunetik mas achʼik to chlokʼe xchiʼuk ti lekuk chapale. Li ermano taje o li buchʼu chchanubtasot ta Vivliae xuʼ xchanubtasot kʼuyelan ta tael li kʼusi chakʼan chanabe skʼoplale. Jaʼ noʼoxe vuleso me ta ajol ti mu xuʼ xavichʼ lokʼel li livroetik ta vivliotekae, skʼan me xachabi lek xchiʼuk mu me xabon.

Li Vivliae chal ti sventa «chlic [kojtikintik] batel cʼusi tscʼan li Diose» skʼan oyuk ta koʼontontik saʼel jech kʼuchaʼal chichʼ saʼel meʼ takʼine (Proverbios 2:1-5). Li ta vivlioteka oy ta Salon sventa Tsobobbaile jaʼ me te xuʼ xlik jsaʼtik.

  • ¿Kʼusitik xuʼ xichʼ tunesel ta vivlioteka ta Salon sventa Tsobobbail kʼalal oy kʼusi chichʼ chanbel smelolale?

  • ¿Buchʼu xuʼ skoltaot sventa xachan stunesel li vivliotekae?